கருங்கல் அருகே மனைவியை கொன்ற தொழிலாளிக்கு மனநலம் பாதிப்பா?

கருங்கல் அருகே மனைவியை கொன்ற தொழிலாளி சடலத்துடன் 12 மணி நேரம் இருந்துள்ளார். அவருக்கு மனநலம் பாதிப்பா? என போலீசார் விசாரணை நடத்தி வருகின்றனர்.

- 

குமரி மாவட்டம் கருங்கல் அருகே படுவூர் காட்டு விளையை சேர்ந்தவர் டார்வின் (46). அந்த பகுதியில் உள்ள மர அறுவை ஆலையில் தொழிலாளியாக வேலை செய்து வந்தார். இவருக்கும் பாலப்பள்ளம் குருசுமிக்கேல் வைத்தியர் மகள் பவிதா நித்யசெல்வி (39) என்பவருக்கும் திருமணமாகி 9 மற்றும் 7 வயதில் 2 குழந்தைகள் உள்ளனர்.

இதில் ஒரு குழந்தைக்கு சற்று மனநலம் பாதிக்கப்பட்டு மார்த்தாண்டம் பகுதியில் உள்ள பள்ளியில் படித்து வருகிறது. மற்றொரு குழந்தை பவிதா நித்யசெல்வியின் தாய்வீட்டில் இருந்து வருகிறது. இதற்கிடையே பவிதா நித்யசெல்விக்கும் சற்று மனநலம் பாதிப்பு ஏற்பட்டதாக கூறப்படுகிறது.