ஹீரோயினாக அறிமுகமாகும் தேஜலட்சுமி

தமிழில் முன்னணி ஹீரோயினாக இருந்த ஊர்வசி, தற்போது குணச்சித்திரம் மற்றும் காமெடி வேடத்தில் நடித்து வருகிறார். அவரும், மலையாள நடிகர் மனோஜ் கே.ஜெயனும் கடந்த 2000ல் காதல் திருமணம் செய்தனர். அவர்களுக்கு தேஜ லட்சுமி என்ற மகள் இருக்கிறார். பிறகு ஊர்வசிக்கும், மனோஜ் கே.ஜெயனுக்கும் ஏற்பட்ட கருத்து வேறுபாடு காரணமாக, 2008ல் விவாகரத்து மூலம் அவர்கள் பிரிந்து விட்டனர். 2013ல் சிவபிரசாத் என்ற தொழிலதிபரை ஊர்வசி காதல் திரு மணம் செய்தார். அவர்களுக்கு ஒரு மகன் இருக்கிறார். 2011ல் ஆஷா என்பவரை மனோஜ் கே.ஜெயன் காதல் திருமணம் செய்தார். அவர்களுக்கு ஒரு மகன் இருக்கிறார்.

- 

தற்போது ஊர்வசியின் மகள் தேஜலட்சுமி (23) ஹீரோயினாக அறிமுகமாகிறார். பினு பீட்டர் இயக்கும் 'சுந்தரியாயவள் ஸ்டெல்லா' என்ற மலையாள படத்தில் அவர் நடிக்கிறார். இதுகுறித்த சந்திப்பில் பங்கேற்ற மனோஜ் கே.ஜெயன், தேஜலட்சுமி பற்றி பேசும்போது கண்கலங்கினார்.