கலைஞர் கனவு இல்ல திட்ட வீடுகள் கட்டும் பணி

கலைஞரின் கனவு இல்லம் திட்டம் 2025 -26ம் ஆண்டிற்கு அகஸ்தீஸ்வரம் ஊராட்சி ஒன்றியத்திற்கு ரூ.535.50 லட்சம் மதிப்பீட்டில் 153 பயனாளிகளுக்கு வேலை உத்தரவு வழங்கப்பட்டு வீடு கட்டும் பணிகள் நடைபெற்று வருகிறது.

- 

அகஸ்தீஸ்வரம் ஊராட்சி ஒன்றியம் சுவாமிதோப்பு ஊராட்சிக்குட்பட்ட பகுதியில் கலைஞரின் கனவு இல்லத்திட்டத்தில் தலா ரூ.3.50 லட்சம் மதிப்பில் கட்டப்பட்டு வரும் 2 வீடுகளை கலெக்டர் அழகு மீனா நேரில் பார்வையிட்டு ஆய்வு செய்தார். தொடர்ந்து பிரதான் மந்திரி ஆவாஸ் யோஜானா திட்டத்தின் கீழ் தலா ரூ.2.40 லட்சம் மதிப்பில் கட்டப்பட்டு வரும் 2 வீடுகளை ஆய்வு செய்தார்.

பணிகள் தரமானதாகவும், உறுதித்தன்மையுடன் அமைத்திடவும் வீட்டின் பயனாளிகள் மற்றும் துறை அலுவலர்களுக்கு அறிவுறுத்தினார். மேலும் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ.6.81 லட்சம் மதிப்பில் பூலான்குளம் வடக்கு கால்வாய் புனரமைத்தல் பணிகளை பார்வையிட்டார்.