தொடர் கனமழை எதிரொலி ரப்பர் பால்வெட்டும் தொழில் 5வது நாளாக பாதிப்பு

பூதப்பாண்டி, மே 28: கன்னியாகுமரி மாவட்டத்தில் பூதப் பாண்டி சுற்றுவட்டாரத்தில் உள்ள காளிகேசம், வாழையத்து வயல், கீரிப்பாறை, பரளியாறு உள்ளிட்ட பகுதிகளில் ஆயிரக்கணக்கான ஏக்கர் நிலப்பரப்பில் அரசு மற்றும் தனியாருக்கு சொந்தமான ரப்பர் தோட்டங்கள் உள்ளன. இந்த ரப்பர் தோட்டங்களில் ஆயிரத்துக்கும் மேற்பட்ட தொழிலாளர்கள் வேலைசெய்து வருகின்றனர்.

- 

இந்த நிலையில் குமரி மாவட்டத்தில் கடந்த சில நாட்களாக தென்மேற்கு பருவமழை தொடங்கி பெய்து வருகிறது. இதனால் மலைகளில் தொடர் மழையும், ஊரக பகுதிகளில் சாரல் மழையும் பெய்து வருகின்றன. தொடர் மழையால் ரப்பர் தோட்டங்களுக்கு யாரும் செல்ல முடியாததால் அங்கு பால் வெட்டும் தொழில் முற்றிலும் பாதிக்கப்பட்டுள்ளது.