கேரளாவில் மழை தீவிரம் 2 நாட்களுக்குள் தென்மேற்கு பருவமழை தொடங்க வாய்ப்பு

இன்று 2 மாவட்டங்களுக்கு சிவப்பு எச்சரிக்கை

- 

கேரளாவில் மழை தீவிரமடைந்துள்ளது. இன்று 2 மாவட்டங்களுக்கு சிவப்பு எச்சரிக்கை விடுக்கப்பட்டுள்ளது. இதற்கிடையே 2 நாட்களுக்குள் கேரளாவில் தென்மேற்கு பருவமழை தொடங்க வாய்ப்பு இருப்பதாக அறிவிக்கப்பட்டுள்ளது.

கேரளாவில் தென்மேற்கு பருவமழை வழக்கமாக ஜூன் 1ம் தேதி தொடங்கும். ஆனால் இந்த வருடம் 4 நாட்கள் முன்னதாகவே பருவமழை தொடங்கும் என்று மத்திய வானிலை ஆய்வு மையம் அறிவித்திருந்தது.

இந்நிலையில் கடந்த ஒரு வாரமாக கேரளா முழுவதும் பரவலாக பலத்த மழை பெய்து வருகிறது. குறிப்பாக கோழிக்கோடு, கண்ணூர், காசர்கோடு ஆகிய வடமாவட்டங்களில் மிக பலத்த மழை பெய்தது.