தேர்தலில் சீட்டா? ரூ.10 கோடி கொடு...

கொலை குற்றவாளிக்கு கட்சியில் பதவி, பெண் உறுப்பினர்களுக்கு அச்சுறுத்தல், திருச்சி நிர்வாகிகள் விஜய்க்கு பகீர் கடிதம்

- 

தவெகவில் பணம் வாங்கி கொண்டும், சாதி பார்த்தும் கட்சியில் பதவி போடப்ப டுவதாக பல்வேறு மாவட்டங்களில் நிர்வாகிகள் போர்க்கொடி தூக்கி வருகின்றனர். சில மாவட்டங்களை சேர்ந்த நிர்வாகிகள் பனையூர் அலுவலகத்தை முற்றுகையிட்டும் பதவி கேட்டு வருகின்றனர். நேற்று முன்தினம் தூத்துக்குடியை சேர்ந்த பெண் நிர்வாகி அஜிதா, விஜய்யின் காரை முற்றுகையிட்டு, கட்சியின் வாசலில் அமர்ந்து தர்ணா போராட் டம் நடத்தினார். இருந்தும் அவர் பதவி வழங்காமல் வேறு ஒருவர் மாவட்ட செயலாளர் பதவியை விஜய் வழங்கினார்.

இதேபோல், திருவெறும்பூரில் ஒருவர் புஸ்ஸி ஆதரவுடன், தேர்தல் நிற்க விருப்பம் உள்ளவர்கள் ரூ.10 கோடி தந்தால் சீட் என பேரம் பேசு வருகிறார், பெண் உறுப்பினர்களை அச்சுறுத்துகிறார், கொலை குற்ற வாளிக்கு கட்சியில் பதவி வழங்கி உள்ளார் என அடுக்கடுக்கான குற்றச்சாட்டுகளை கூறி அவருக்கு மாவட்ட செயலாளர் பதவி வழங் கக்கூடாது என விஜய்க்கு கடிதம் எழுதியும், அதை கண்டுக்கொள் ளாமல் அவருக்கே விஜய் மாவட்ட செயலாளர் பதவி வழங்கி உள்ளார். இதனால், திருச்சி மற்றும் திருவெ றும்பூரை சேர்ந்த நிர்வாகிகள் கடும் அதிருப்தியில் உள்ளனர்.

திருவெறும்பூர் சட்டமன்ற தொகுதி தவெக ஒருங்கிணைப்பு குழு சார்பில் கட்சி தலைவர் விஜய், பொதுச்செயலாளர் புஸ்ஸி ஆனந்த், நிர்வாக குழு ஒருங்கி ணைப்பாளர் செங்கோட்டையன், தேர்தல் பிரச்சார மேலாண்மை பொது செயலாளர் ஆதவ் அர் ஜூனா, இணை பொது செயலாளர் நிர்மல் குமார், கொள்கை பரப்பு பொதுச்செயலாளர் அருள்ராஜ், துணைப்பொது செயலாளர் ராஜ் மோகன் ஆகியோருக்கு எழுதிய கடிதத்துடன் திருச்சி தெற்கு மாவட்ட இளைஞரணி செயலாளர் ஜான்டே விட் தலைமையில் 14 பேர் கொண்ட ஒருங்கிணைப்பு குழுவினர் கடந்த 12ம்தேதி சென்னை சென்றனர். அப்போது அங்கு விஜய்யை நேரில் சந்தித்து கடிதத்தை கொடுக்க முடியாததால் அந்த கடிதத்தை பனையூரில் உள்ள தவெக கட்சி அலுவலகத்தில் கொடுத்தனர்.