DUUR KERKPROJEK NOU 'N TEER SAAK

Gemeentelede die hel in oor hulle in die donker is oor projek wat tans stilstaan

- CHRISLYNN SIAS-LOUW

MOEILIK: Lidmate van die VGK Scottsdene soek antwoorde vanaf die gemeentelike leiers in die kerk. FOTO'S VERSKAF

(FOTO'S VERSKAF)

'N GROEP lidmate van die VGK Scottsdene is hoogs ontsteld omdat niemand aan hulle antwoorde kan verskaf oor 'n failed project by die kerk wat glo R250 000 uit die kerk se koffers gejaag het.

Die bedrag is volgens die ontstigte gemeentelede bestee aan 'n projek om die kerkgrond te teer. Die projek is egter ver van klaar en volgens die gemeentelede is net 20% van die werk gedoen.

Die kontrakteur is na bewering nou pad-op Zimbabwe toe met die kerk se geld en die kerkraad kap zip oor dié groot finansiële blaps.

Volgens die gemeentelede weier hulle kerkraad, die sinode en ring van die kerk nou om aan hulle antwoorde te verskaf oor hoe die kerk in die eerste plek in die posisie beland het dat hulle ge-scam kan word.

Son is in besit van sommige van die skrywes wat die gemeentelede aan die kerkorde gerig het.