KALMTE IS NOU DIE WAGWOORD

'N SEGE môre oor Sri Lanka in Colombo sal die Suid-Afrikaanse vrouekrieketspan in 'n gunstige posisie plaas om vir die halfeindronde van die One Day World Cup te kwalifiseer.

- MARK WARD

Ná 'n teleurstellende nederlaag in hulle eerste wedstryd teen Engeland, wat die Proteas met 10 paaltjies verloor het en almal vir 'n skamele 69 lopies uitgeboul is, het die span met drie oorwinnings op 'n streep teruggeveg, genoeg om hulle tot die derde plek op die punteleer te laat klim, met 'n semifinal nou binne hulle bereik.

Die Suid-Afrikaners is tans op 'n high nadat hulle met Chloé Tryon aan die stuur hulle derde agtereenvolgende sege behaal het.

Tryon het met haar ervaring en kolfvernuf tot dusver 'n leidende rol gespeel in haar span se deurslaggewende oorwinning oor Bangladesj, asook die mede-gasheerland, Indië.