DA SÊ HY SOEK NIE 'N LIAM 2.0

DIE Demokratiese Alliansie (DA) hou vol hy val tans nie rond om Liam Jacobs wat die afgelope naweek uit die bloute by die Patriotic Alliance (PA) aangesluit het, te vervang nie.

- 

Die jong, uitgesproke Jacobs het Saterdagoggend net ná middernag skokgolwe deur die land se politieke landskap gestuur toe hy in 'n Facebook Live saam met die PA-leier, Gayton McKenzie, en Ashley "oom Biza" Sauls verskyn het.

'n Uitbundige Jacobs het toe laggend aangekondig dat hy nou by sy "pa" is omdat hy die PA ge-join het.

Jacobs en McKenzie het skaars 'n week voor dié dramatiese aankondiging nog koppe gestamp toe McKenzie in sy hoedanigheid as die minister van Sport, Kuns en Kultuur voor die parlement se portefeuljekomitee verskyn het.

Skinderpraatjies

McKenzie het Jacobs nou verbied om onderhoude met die media toe te staan of in die openbaar van die DA melding te maak.