GAYTON RUK TOE VIR LIAM IN DIE BEK

GAYTON McKenzie, die PA-leier en minister van Sport, Kuns en Kultuur, het die DA-LP Liam Jacobs op sy plek gesit.

- 

McKenzie het Dinsdag voor die parlement se portefeuljekomitee vir Sport, Kuns en Kultuur verskyn rakende aanstellings by die Nasionale Arts Council (NAC).

In 'n poging om 'n conflict of interest uit te lig, het Jacobs McKenzie gevra wat die rasionaal agter die samestelling van die paneel was wat interviews gevoer het vir NAC-aanstellings.

McKenzie het gereageer daar was geen ander rasional behalwe die wet nie, wat van hom vereis is.

“Ek het geen ander rasional nodig nie, behalwe die wet,” het 'n confident McKenzie bygevoeg.

Jacobs het toe gevra of Mckenzie vir Liesl Penniken ken en of sy 'n aktiewe PA-lid is wat by PA events perform het.

McKenzie het geantwoord dat Penniken ook by ander partye se events, onder meer van Jacobs se party se events, perform.

Penniken is 'n lid van die Pop-groep Jamali en die PA-LP, Ashley “oom Biza” Sauls, se eks-girlfriend.

Gekies

McKenzie het egter gesê sy is nie 'n aktiewe PA-ampsdraer nie, want net die party se top-ses is ampsdraers.

Jacobs wou weet wat daartoe gelei het dat Penniken gekies is as die voorsitter van die interview panel.