3 மடங்கு அதிக நிதி கொடுத்து இருக்கிறோம் தமிழகம் வளர ஆட்சி மாற்றம் தேவை

மதுராந்தகம் பொதுக்கூட்டத்தில் பிரதமர் மோடி பேச்சு

- 

"தமிழ் நாட்டுக்கு 3 மடங்கு அதிக நிதி கொடுத்து இருக்கிறோம். தமிழகம் வளர ஆட்சி மாற்றம் தேவை" என மதுராந்தகம் பொதுக்கூட்டத்தில் பிரதமர் மோடி பேசினார்.

சென்னை மதுராந்தகத்தில் நடைபெற்ற தேசிய ஜனநாயக கூட்டணி பொதுக்கூட்டத்தில் நிறைவாக பிரதமர் நரேந்திரமோடி பேசினார். அப்போது அவர் கூறியதாவது :- தமிழக சகோதர, சகோதரிகளே வணக்கம். 2026-ம் ஆண்டில் தமிழகத்திற்கு எனது முதல் பயணம் இது. சில நாட்களுக்கு முன்பு தான் எம்.ஜி.ஆர். பிறந்தநாளை நாம் கொண்டாடினோம். ஏரி காத்த ராமரின் திருவடிகளில் வணங்குகிறேன். அனைவரின் நலன், தமிழ்நாட்டின் நலனுக்காக வேண்டிக்கொள்கிறேன். இன்று நேதாஜி சுபாஷ் சந்திரபோஸ் பிறந்த நாள். நேதாஜியோடு தோள் சேர்த்து வீரர்கள் பலர் இந்திய சுதந்திரத்துக்காக போராடினார்கள். அவர்களுக்கு நான் தலைவணங்குகிறேன்.