மண்டபத்தில் இருந்து சென்ற விசைப்படகு நடுக்கடலில் மூழ்கியதில் மீனவர் மாயம்

ராமநாதபுரம், ஜூன். 20-ராமநாதபுரம் மாவட்டம் மண்டபம் வடக்கு கடல் பகுதியில் இருந்து 300-க்கும் மேற்பட்ட விசைப்படகுகள் நேற்று முன்தினம் (ஜூன் 18) காலை தொழிலுக்குச் சென்றன. இதில் மண்டபம் மேற்கு தெருவைச் சேர்ந்த சர்புதீன் என்பவரது விசைப்படகில் சேதுநகரைச் சேர்ந்த இப்ராஹிம் ஷா (40), பரிது (38), அனிஷ் (30), மாதவன் (28) ஆகியோர் மீன்பிடிக்கச் சென்றனர்.

- 

அன்றைய தினம் கடலின் தொலை தூரம் சென்று மீன் பிடித்துக் கொண்டிருந்த இப்படகின் பலகை பெயர்ந்து கடல் நீர் புகுந்து கவிழ்ந்தது. இதையடுத்து படகோட்டி இபுராஹீம் ஷா உள்பட மீனவர் 4 பேரும் பிளாஸ்டிக் கேன்களை பிடித்துக் கொண்டு தத்தளித்தனர். தொலை தூரம் சென்று மீன்பிடித்த இவர்கள் நீரோட்டத்தில் கடலின் பல்வேறு பகுதிகளுக்கு இழுத்து செல்லப்பட்டு 8 மணி நேரத்திற்கு மேலாக உதவிக்கு எவரும் இன்றி பரிதவித்தனர்.