சித்தராமையாவுடன் கருத்து வேறுபாடா? டிகே சிவக்குமார் விளக்கம்

கர்நாடககாங்கிரசில் குழப்பமான சூழல்நிலவுகிறது. இதையடுத்து கர்நாடக காங்கிரஸ் மேலிட பொறுப்பாளர் ரன்தீப்சிங் சுர்ஜேவாலா பெங்களூரு வந்தார். அதிருப்தி எம்.எல்.ஏ.க்களை அழைத்து தனித்தனியாக பேசினார். அதைத்தொடர்ந்து அவர் காங்கிரஸ் எம்.பி.க்கள், எம்.எல்.ஏ.க்கள், முக்கிய மாநில நிர்வாகிகளை சந்தித்து கருத்து கேட்பதாக அறிவித்தார்.

- 

அதன்படி நேற்றுமுன்தினம் 2-வது நாளாக அவர் பெங்களூரு குயின்ஸ் ரோட்டில் உள்ள காங்கிரஸ் கட்சியின் தலைமை அலுவலகத்தில் எம்.பி.க்கள், எம்.எல்.ஏ.க்களை தனித்தனியாக சந்தித்து பேசினார். அதாவது அவர் ஒவ்வொரு எம்.எல்.ஏ.க்களையும் தனியாக சந்தித்து கருத்துகளை கேட்டார். சிலர் முதல்-மந்திரி, துணை முதல்-மந்திரி மீது அதிருப்தி தெரிவித்ததாகவும் கூறப்படுகிறது. அவர்களை அவர் சமாதானப்படுத்தியதாக தகவல் வெளியாகி இருக்கிறது.