தமிழ்நாட்டில் மின்சார ஆட்டோ, கார்களுக்கு 500 இடங்களில் சார்ஜிங் மையங்கள்

மின்வாரிய அதிகாரிகள் தகவல்

- 

தமிழ்நாட்டில் மின்சார ஆட்டோ, கார்களுக்கு 500 இடங்களில் சார்ஜிங் மையங்கள் அமைக்கப்படும் என மின்வாரிய அதிகாரிகள் தகவல் தெரிவித்தனர்.

தமிழ்நாட்டில் சுற்றுச்சூழலை பாதுகாக்கும் நோக்கில் வளர்ந்து வரும் தொழில்நுட்பங்களுக்கு ஏற்ப போக்குவரத்தை மேம்படுத்தும் நோக்கில் தமிழக அரசு பல்வேறு நடவடிக்கைகளை மேற்கொண்டு வருகிறது.

இதன் ஒரு பகுதியாக தமிழக அரசு கடந்த 2023-ம் ஆண்டு திருத்திய மின்வாகன கொள்கையை வெளியிட்டது. இதன்படி மின்வாகன உற்பத்தி துறையில், ரூ.50 ஆயிரம் கோடிக்கு முதலீடுகள் மற்றும் 1.50 லட்சம் வேலைவாய்ப்புகளை உருவாக்குவது இந்த கொள்கையின் முக்கிய நோக்கமாகும்.