Executive session gisugyot aron hisgutan ang disaster response

Nanawagan si Konsehal Winston Pepito og usa ka executive session aron hisgutan ang panginahanglan sa Dakbayan sa Sugbo kabahin sa disaster response.

- 

Kini naglakip sa pundo alang sa ekipo, lakip na ang pagbansay-bansay, koordinasyon, ug ka-andam sa mga responder aron dili mausab ang kalangay sa pagresponde sa nahitabong Binaliw trash.

Matud ni Pepito ang pagkawala sa 36 ka kinabuhi nagpasabot usab sa pagkaguba sa mga damgo, paglaum, ug kaugmaon sa ilang mga pamilya nga usa ka kasakit nga dili matugbangan sa bisan unsang mga pulong.

Gipadayag usab ni Pepito ug ni Konsehal David "Dave" Tumulak kinsa tsriman sa Cebu City Disaster Risk Reduction and Management Council (CCDRRMC), ang dakong pagpasalamat ngadto sa mga rescuer, boluntaryo, emergency responders, ug mga kawani sa siyudad nga walay kakapoy nga naningkamot bisan pa sa delikado ug lisod nga kahimtang sa ground zero.