Durano wala mo aproba sa proyekto sa DPWH

Wala aprobahi ni Mayor Ramonito "Nito" Durano ang pag-isyu og permit alang sa pipila ka mga proyekto sa Department of Public Works and Highways (DPWH) nga gi-propose alang sa Danao City sa tuig 2026 kini tungod sa kabalaka sa re-concreting sa mga dalan nga maayo ug serviceable pa.

- 

"Naa pa may lain nga angay'ng sementohon nga karsada sa Danao, nganong gub-on man ang maayo pa?" matud sa mayor human niini ma-review ang mga proyekto nga gi-propose alang sa sunod tuig.

Samtang si Bise Mayor Carmen Remedios "Ivy" Durano nagkanayon nga ang mga proyekto nga gisumite sa DPWH dili tukma sa mga prayoridad sa siyudad.

"Sad to note, ang mga proyekto nga gi-submit sa DPWH kang Mayor Nito alang sa 2026 dili prayoridad nga mga proyekto sa dakbayan", padayag sa bise mayor.