Suroy Sugbo Serbisyo

Ang kanta nga "Mabuhi" nga sinuwat ni Paul Melendez ang gigamit ni kanhi Cebu Governor Gwen Garcia ug daw nahimo na kining tatak sa higayon nga duna ang iyang presensiya sa mga kalihokan nga iyang tambongan kay ipatukar kini isip entrance song niya.

- 

Apan kining kantaha mamahimo usab nga gamiton ni bisan kinsa nga adunay pagpakabana sa Sugbo ug sa mga Sugboanon. Ambot lang kong gi-claim ba pud ni ang ownership sa kanta sa kanhi gubernador.

Sa paglingkod karon ni Gubernador Pamela Baricuatro mas nibagay man kaniya ang titik ug ang meaning sa kanta tungod sa iyang gihatag nga pagtagad sa probinsya.

Gani sa unang adlaw niya sa Kapitolyo dose na ka executive orders ang iyang gipagawas ug gituman na usab niya dayon ang gipanaad nga pagtutok sa health care system sa lalawigan.

Gibisita niya ang mga tambalanan diin iyang nasaksihan ang makaluluoy nga lahimtang bisan ultimo gani ipalit og gapas mora'g maglisod ang mga tambalanan.