Japan mo-export sa ilang destroyer escort sa PHL?

Sa labing unang higayon sukad sa kasaysayan sa Japan human sa Ikaduhang Kalibutanong Gubat, gikatakda kining moexport og pipila sa ilang mga ipang-decommission nga mga barkong panggubat para sa Pilipinas, sumala pa sa report sa Japanese media didto.

- 

Sa report sa Philstar.com, ang Tokyo-based newspaper "Yomiuri Shimbun" mibalita nga ang gobiyerno sa Japan ug Pilipinas nakauyon nga i-export ang unom nila ka mga Abukuma-class destroyer escorts.

Ang matud tumong sa pag-export niini nga gikutlo sa maong pamantalaan, "interoperability with the Philippine military and jointly strengthening deterrence and response capabilities against China."

Ang Abukuma-class vessels nasulod sa Japan Maritime Self Defense Force sugod 1989 hangtud 1993.

Ang maong barko bisan i-decommission na sa JSDF tungod para sa ilaha, karaan na, mas bag-o pa kini gihapon kun itandi sa kasamtangang BRP Gregorio del Pilar class patrol ships sa Philippine Navy nga kaniadto US WHEC Coastguard Cutters nga na-commission sugod 1969 hangtud 1973.