ఎన్నికల సంఘం.. బీజేపీతో కలిసి పని చేస్తుంది!

• నరేంద్ర మోదీ, అమిత్ ఓట్ చోరీకి పాల్పడుతున్నారు • ఓటరు జాబితాలోని అక్రమాలపై ఈసీని ప్రశ్నిస్తే జవాబు లేదు.

- 

• కేంద్రం,ఈసీపై రాహుల్ కీలక వ్యాఖ్యలు

• దేశాన్ని కాపాడగలిగేది ఒక్క కాంగ్రెస్ మాత్రమే : ఖర్గే

• ఆర్ఎస్ఎస్ సిద్ధాంతం దేశాన్ని నాశనం చేస్తుంది

• ప్రజాస్వామ్య రక్షణకే ఈ పోరాటం ఓటు హక్కును లాగేసే ప్రయత్నం జరుగుతోంది

• రామ్జీలా మైదానంలో సీఎం రేవంత్ ఉద్వేగభరిత ప్రసంగం

• ఓట్ చోర్-గద్దీ ఛోడ్ ర్యాలీలో బీజేపీ నేతలపై హస్తం నేతల ఫైర్

న్యూఢిల్లీ డిసెంబర్ 24 (ఆదాబ్ హైదరాబాద్ ): నరేంద్ర మోదీ, అమిత్ ఓట్ చోరీకి పాల్పడుతున్నారని కాంగ్రెస్ అగ్రనేత రాహుల్ గాంధీ ఆరోపించారు. ఆ విషయం అందరికీ తెలుసని అన్నారు. ఎన్నికల సంఘం బీజేపీ ప్రభుత్వంతో కలిసి పనిచేస్తోందని ఆరోపించారు. ఈ మేరకు ఓట్ చోర్-గద్దీ ఛోడ్ పేరు దిల్లీలోని రామ్ లీలా మైదానంలో కాంగ్రెస్ పార్టీ చేపట్టిన మహా ధర్నాలో పాల్గొన్న రాహుల్ గాంధీ, ఆదివారం పలు వ్యాఖ్యలు చేశారు. మోదీ, అమిత్ షా ఓట్ చోరీకి పాల్పడుతున్నారని దేశంలోని ప్రతి ఒక్కరికీ తెలుసు.హరియాణా ఎన్నికల్లో ఓట్ చోరీ జరిగింది. యూపీకి చెందిన బీజేపీ నేతకు హరియాణాలోనూ ఓటు ఉంది. ఓటరు జాబితాలోని అక్రమాలపై ఈసీని ప్రశ్నిస్తే జవాబు లేదు. ప్రధాన ఎన్నికల కమిషనర్ జ్ఞానేశ్ కుమార్, ఎన్నికల కమిషనర్లు సుఖ్బీర్ సింగ్ సంధు, వివేక్ జోషి బీజేపీ కోసం పనిచేస్తున్నారని రాహుల్ ఆరోపించారు.