రైతే దేశానికి వెన్నుముక.

• అలాంటి రైతుకు అండగా ఉండండి: సీఎం రేవంత్ • భూ సమస్యలు పరిష్కరించాలనే లైసెన్స్డ్ సర్వేయర్ల నియామకం

- 

• బీఆర్ఎస్ తెచ్చిన ధరణి చట్టం.. కొందరికి చుట్టంగా మారింది

• గత ప్రభుత్వ ఓటమికి ప్రధాన కారణం ధరణి చట్టమే

• 2047 నాటికి 3 ట్రిలియన్ డాలర్ల ఆర్థిక వ్యవస్థగా తెలంగాణను తీర్చిదిద్దడమే ప్రభుత్వ లక్ష్యం

• అభివృద్ధిలో మీరూ.. భాగస్వాములు కావాలి..

• సర్వేలో తప్పులు చేస్తే ప్రజలు మీ మీద తిరగబడే అవకాశం

• కొత్తగా ఎంపికైన సర్వేయర్లకు సీఎం రేవంత్ రెడ్డి దిశానిర్దేశం

ఇకపై తెలంగాణ భూముల సర్వేలో సమస్యలకు అడ్డుకట్ట పడనుంది. ఆ శాఖకు కొత్త శక్తినిస్తూ ప్రభుత్వం లైసెన్స్డ్ సర్వేయర్లను రంగంలోకి దించనుంది. రాష్ట్రవ్యాప్తంగా మొదటి విడత కింద 3,465 మంది లైసెన్స్డ్ సర్వేయర్లను నియమించనుంది. ఈ మేరకు ఆదివారం హైదరాబాద్లోని శిల్పకళా వేదికలో ఆయా సర్వేయర్లకు సీఎం రేవంత్రెడ్డి లైసెన్స్లు అందజేశారు. ప్రతి మండలానికి నలుగురు నుంచి ఆరుగురు వరకు లైసెన్స్డ్ సర్వేయర్లను నియమించాలనేది ప్రభుత్వం లక్ష్యం. రెండో విడతలో మరో మూడు వేల మంది శిక్షణ పూర్తి చేసుకోనున్నారు.