కోల్ మెయిన్ లో కూల్ గా స్కాం

సింగరేణి కొత్తగూడెంలో సుశీ హైటెక్ కాంట్రాక్టర్ దాదాపు రూ. 4కోట్ల ఈపీఎఫ్ అవినీతి

- 

ఐదేళ్ల నుంచి గుట్టుచప్పుడు కాకుండా సాగుతున్న వ్యవహారం

కాంట్రాక్టర్తో సింగరేణి అధికారులు కుమ్మక్కు

గడిచిన 60 నెలల్లో సుమారు రూ.4కోట్ల సొమ్ము స్వాహా..ఈపీఎఫ్ జమలో నిర్లక్ష్యం వహించిన కాంట్రాక్టర్పై చర్యలు తీసుకోవాలి అవినీతిలో పాలుపంచుకున్న అధికారులను సస్పెండ్ చేయాలని ఉద్యోగుల డిమాండ్

హైదరాబాద్ 06, ఆగస్టు (ఆదాబ్ హైదరాబాద్): ప్రభుత్వానికి ఆదాయం చేకూర్చే సింగరేణి సంస్థలో పనిచేసే కార్మికులకు తీవ్ర అన్యాయం జరుగుతుంది. కాయకష్టం చేసే కూలీలకు ఔట్ సోర్సింగ్ కాంట్రాక్టర్, అధికారులు కుమ్మక్కై తీవ్ర అన్యాయం చేస్తున్నారు. 'చింత చచ్చినా పులుపు చావనట్టు' అధికారులు పైసల కోసం కక్కుర్తిపడి వాళ్లకు వంత పాడుతున్నారు. కోట్ల రూపాయలు స్కామ్ చేసిన వారికి సపోర్ట్ చేస్తుండడం సిగ్గుచేటు.

సింగరేణి సంస్థ కోసం కష్టపడి పనిచేసే కార్మికుల సంక్షేమానికి సంస్థ పెద్ద పీట వేస్తున్నది. దసరా, దీపావళి బోనస్ లు, లాభాల్లో వాటాలు ఇలా చెప్పుకుంటూ పోతే కోల్ మైనింగ్లో దేశంలో ఏ సంస్థ కల్పించనన్ని సదుపాయాలను సింగరేణి సంస్థ కార్మికులకు ఇస్తు కాంట్రాక్టు కార్మికుల సంక్షేమానికి కూడా తోడ్పడుతుంది. కాగా, సింగరేణిలో కాంట్రాక్ట్ పనులు తీసుకున్న కొన్ని సంస్థలు, కొంతమంది సింగరేణి అధికారులు స్వార్థ ప్రయోజనాల కోసం సంస్థను అభాసుపాలు చేస్తున్నారు.