‘వసుధైక కుటుంబం’.. మానవతా పరిమళం 'ఆర్ట్ ఆఫ్ లివింగ్'!

సాధారణంగా ఏదైనా ఆధ్యాత్మిక సంస్థ అంటే కేవలం పూజలు, పునస్కారాలు లేదా ధ్యానానికే పరిమితమని అనుకుంటాం.

- (పుట్టా రామకృష్ణ 9866074054)

(పుట్టా రామకృష్ణ 9866074054)

సాధారణంగా ఏదైనా ఆధ్యాత్మిక సంస్థ అంటే కేవలం పూజలు, పునస్కారాలు లేదా ధ్యానానికే పరిమితమని అనుకుంటాం. కానీ, 'ఆర్ట్ ఆఫ్ లివింగ్' ఈ భావనను పూర్తిగా మార్చివేసింది. “సేవయే పరమావధి" అనే సూత్రంతో 1981లో రవిశంకర్ గురీజి స్థాపిం చిన ఈ సంస్థ, నేడు 180కి పైగా దేశాల్లో కోట్లాది మందికి ప్రశాం త జీవన మార్గాన్ని చూపిస్తోంది. కేవలం ధ్యానం నేర్పించడం మాత్రమే కాదు, వ్యక్తుల్లో పరివర్తన తీసుకురావడం దీని ముఖ్య ఉద్దేశ్యం. ఈ సంస్థ చేస్తున్న కృషి ఒక చారిత్రక అద్భుతం. మనిషి మనసును మార్చడమే కాకుండా, వారి కడుపు నింపే, బతుకును మార్చే సేవల్లో ఈ సంస్థ అగ్రస్థానంలో ఉంది. నేటి వేగవంతమైన ప్రపంచంలో మనిషికి సౌకర్యాలు పెరిగాయి కానీ సంస్కారం, ప్రశాం తత కరువయ్యాయి. సరిగ్గా ఇలాంటి తరుణంలోనే మానవాళికి దిశానిర్దేశం చేస్తోంది 'ఆర్ట్ ఆఫ్ లివింగ్'.

నదులకు పునరుజ్జీవనం - పర్యావరణ యజ్ఞం: పర్యావరణ పరిరక్షణలో ఆర్ట్ ఆఫ్ లివింగ్ చేస్తున్న కృషి అమోఘం.భారతదేశంలో ఎండిపోయిన 40కి పైగా నదులను పునరుజ్జీవింపజేయడంలో ఈ సంస్థ వాలంటీర్లు అహర్నిశలు శ్రమించారు. మహారాష్ట్ర, కర్ణాటక, తమిళనాడు రాష్ట్రాల్లో ఎండిపోయిన వాగులు, వంకలను మళ్లీ పారేలా చేసి, లక్షలాది మంది రైతులకు సాగునీటిని అందించారు. ఇది కేవలం ఆధ్యాత్మిక సేవ కాదు, దేశ ప్రగతికి వేసిన బాట.

జైళ్లలో పరివర్తన -