മതങ്ങളെല്ലാം എങ്ങോട്ടാണ്?

ഭൗതിക ഭരണാധികാരികളുമായി അവസരവാ ദപരമായ സന്ധികളിൽ ഏർപ്പെടുന്ന പൗരോഹി ത്യവും ഏതെങ്കിലും പുസ്തകത്തിൽ എഴുതി വെച്ചത് അന്തിമസത്യം ആണെന്ന് കരുതുന്ന വിശ്വാസികളും യുക്തിയെ ദൈവമാക്കുന്ന യു ക്തിവാദികളും ആണ് അന്വേഷണോന്മുഖമായ ആത്മീയതയുടെ മുഖ്യശത്രുക്കൾ. കുരിശുയു ദ്ധം മുതൽ പല രൂപങ്ങളിലുള്ള ഫാസിസംവരെ സൃഷ്ടിച്ച രക്തപങ്കിലമായ മതരൂപങ്ങൾക്ക് മനു ഷ്യലോകത്തിൽ നിലനിൽക്കാൻ അർഹതയില്ല.പരാപര്യം അവസാനിക്കുന്നിടത്തു നിന്ന കരുണ ഉറവെടുക്കു.

- 

സങ്കടം, സന്തോഷം, സങ്കോചം ഈ വ്യത്യസ്ത വികാരങ്ങളോടെയാ ണ് ഞാൻ ഈ സ്മാരകപ്രഭാഷണം നിർവ്വഹിക്കുന്നത്. ഇന്ന് കൂടുതൽ അനിവാര്യമായിക്കൊണ്ടിരിക്കുന്ന മ തത്തിന്റെ ആഭ്യന്തരവിമർശകരുടെ അഗ്രഗാമികളിൽ ഒരാൾ ആയിരുന്ന ജോസഫ് പുലിക്കുന്നേൽ ഇന്ന് നമുക്കിടയിൽ ഇല്ലല്ലോ എന്ന സങ്ക ടം; ഇങ്ങനെ ചില വിചാരങ്ങൾ മു ന്നോട്ടു വയ്ക്കാൻ ഇന്നും കേരളത്തിൽ ഇടം ബാക്കിയുണ്ടല്ലോ എന്ന സ ന്തോഷം; ഇതിനു മുൻപ് ഈ പ്രഭാ ഷണം നിർവഹിച്ചവരെ ഓർക്കുമ്പോ ൾ ഉള്ള സങ്കോചം. ഭക്തി-സൂഫി പ്ര സ്ഥാനകാലം മുതൽ ഇന്ത്യയിലും ലൂതറാൻ നവീകരണത്തിന്റെ കാലം മുതൽ യൂറോപ്പിലും ആരംഭിച്ച ആ ത്മീയനവോത്ഥാനത്തിന്റെയും മത ങ്ങളുടെ ആഭ്യന്തരവിമർശത്തിന്റെ യും ദീർഘപാരമ്പര്യത്തിൽ നിന്നാണ് പുലിക്കുന്നേലിനെപ്പോലൊരു സഭാ വിമർശകൻ ഊർജ്ജം ഉൾക്കൊണ്ടു ഉയർന്നു വരുന്നത്. മതനിരാസമല്ലാ, മൂല്യാധിഷ്ഠിതമായി പിറവികൊണ്ട മതങ്ങൾ അവയുടെ ധാർമ്മിക സാ തസ്സിൽനിന്ന് അകന്നു പോകുന്നത് കണ്ടുനിൽക്കേണ്ടിവരുന്ന വിശ്വാസി കളുടെ വേദനയുടെയും നൈതിക രോഷത്തിന്റെയും ആവിഷ്കാരമാ ണ് നാം ഈ വ്യക്തികളിലും പ്രസ്ഥാ നങ്ങളിലും കാണുക.