અમેરિકાનાં ઓવારણાંનું કારણ છે…

જરૂર પડે છે ત્યાં અને ત્યારે પોતાનું હિત સમજીને કોઈની શેહ-શરમમાં આવ્યા વગર આપમેળે નિર્ણય લેવાની ક્ષમતા ભારત પાસે છે એ હવે બધા જાણે છે.

- હીરેન મહેતા

અમેરિકી સંસદનાં બન્ને ગૃહોની સંયુક્ત બેઠકને નરેન્દ્ર મોદીનું સંબોધન.

ચાર દિવસની પોતાની મુલાકાત દરમિયાન અમેરિકામાં છવાઈ ગયેલા વડા પ્રધાન નરેન્દ્ર મોદી વળતાં ઈજિપ્તનો પણ ટૂંકો પ્રવાસ પૂરો કરી ભારત પાછા ફર્યા છે. મોદી આ અગાઉ (વડા પ્રધાન બન્યા પછી પણ) ઓછામાં ઓછા પાંચ વખત અમેરિકા જઈ આવ્યા છે, પરંતુ આ વખતની એમની મુલાકાત આગલા બધા પ્રવાસ કરતાં અલગ જ હતી. આ વખતે અમેરિકા જાણે મોદી પર રીતસર ઓળઘોળ થઈ ગયું હોય એમ ઘણાને લાગ્યું હશે.