ചിട്ടിക്കുണ്ട് ഈ 5 മികവുകൾ ചേരാം നേട്ടം കൊയ്യാം

ഹൃദ്യമായ സമ്പാദ്യ അനുഭവമായും മികച്ച വായ്പാ പദ്ധതിയായും ചിട്ടി എന്ന സാമ്പത്തിക ഉൽപന്നം വർത്തമാനകാലത്തും കരുത്താർജിക്കുകയാണ്.

- 

മലയാളികളുടെ മാറാത്ത സമ്പാദ്യശീലങ്ങളിൽ നൂറ്റാണ്ടുകളായി പ്രധാന സ്ഥാനമാണ് ചിട്ടിക്കുള്ളത്. സ്ഥിരനിക്ഷേപം, റിക്കറിങ് ഡിപ്പോസിറ്റ് തുടങ്ങിയ പരമ്പരാഗത നിക്ഷേപങ്ങൾ ജനകീയമാകുന്നതിനും വളരെ മുൻപ് ചിട്ടികൾ കേരളത്തിൽ പ്രചാരം നേടിയിരുന്നു. അതേസമയം ഓഹരി, മ്യൂച്വൽഫണ്ട്, കടപ്പത്രങ്ങൾ മുതലായ താരതമ്യേന പുതിയ നിക്ഷേപശീലങ്ങളെക്കാൾ ഏറെ സവിശേഷതകളും ചിട്ടിക്കുണ്ട്.

ക്രൗഡ് ഏയ്ഞ്ചൽ ഫണ്ടിങ്ങുമായി സാമ്യം

ഇന്നു സാധാരണക്കാരും ബിസിനസുകാരും നിക്ഷേ പകരും ചിട്ടിയെ ഒരു ബദൽ സാമ്പത്തിക സ്രോത സ്സായി കാണുന്നു. കൊള്ളപ്പലിശയ്ക്ക് വായ്പയെടു ക്കാതെ സാധാരണക്കാരുടെ ജീവിതാവശ്യങ്ങൾ നിറ വേറ്റാൻ രൂപംകൊണ്ട സാമൂഹികാധിഷ്ഠിത പദ്ധതിയായ ചിട്ടി (കുറി) ഒരു പണചംക്രമണ രീതിയാണ്. പിന്നീട് ഇതാണ് വ്യവസ്ഥാപിത ചിറ്റ് ഫണ്ടുകളായി വളർന്നത്.

ആധുനിക സാമൂഹികാധിഷ്ഠിത പണസമാഹരണ മാർഗങ്ങളായ ക്രൗഡ് ഫണ്ടിങ്, ഏയ്ഞ്ചൽ ഫണ്ടി ങ് എന്നിവയോടു ചിട്ടിക്കു സാമ്യമുണ്ട്. വിവിധ ആവ ശ്യങ്ങളും ലക്ഷ്യങ്ങളുമുള്ള ഒരുകൂട്ടം ആളുകളുടെ ഗ്രൂപ്പുകളാണ് ഓരോ ചിട്ടിയും എന്നു പറയാം. ചിലർക്കു പെട്ടെന്നുള്ള ആവശ്യങ്ങളാണെങ്കിൽ മറ്റു ചിലർക്ക് ദീർഘകാല നിക്ഷേപതാൽപര്യങ്ങളാകാം. അതേസമയം ഓഹരി വിപണിയിൽനിന്നും വിഭിന്നമായി അംഗങ്ങളുടെ താൽപര്യങ്ങളും ആവശ്യങ്ങളുമാണ് ചിട്ടിയുടെ ലാഭം നിശ്ചയിക്കുന്നത്. പണത്തിന് ആവശ്യക്കാർ കൂടുന്നതിനനുസരിച്ചു ചിട്ടിയിലെ ഡിവിഡന്റ് (ലേലക്കിഴിവ്) കുടും, ആദായം കൂടും. എന്നാൽ മറ്റു ബാഹ്യഘടകങ്ങൾ ഒന്നും ചിട്ടിയെയോ അതിന്റെ ആദായത്തെയോ ബാധിക്കില്ല. ഇതുതന്നെയാണ് നിക്ഷേപം എന്ന നിലയിൽ ചിട്ടിക്ക് എന്നും പ്രസക്തിയും പ്രാധാന്യവും വർധിപ്പിക്കുന്നത്.

1. പോർട്ട്ഫോളിയോ വൈവിധ്യവൽക്കരിക്കാം