ഗോ, ആന്റ് കിസ് ദ വേൾഡ്

കസ്റ്റമർ ദൈവമാണെങ്കിൽ അവരെ കടയിലേക്കാനയിക്കുന്ന ദൈവദൂതന്മാരാണ് ജീവനക്കാരെന്നത് ഉടമ മറക്കരുത്.

- പുളിക്കൻസ്

പെട്ടെന്നാണ് ആ സൂപ്പർമാർക്കറ്റിലെ ക്രോക്കറി വിഭാഗത്തിൽ അതു സംഭവിച്ചത്. ഒരു വിലപ്പെട്ട ഫ്ലവർവെയ്സ് നിലത്തുവീണുടഞ്ഞു. ശബ്ദം കേട്ടിടത്തേക്കു കടയുടമ എത്തി അതോടെ കസ്റ്റമർ വാദിയെ പ്രതിയാക്കി. സെയിൽസ്മാന്റെ കയ്യിൽ നിന്നാണ് ഫ്ലവർ വെയ്സ് പൊട്ടിയതെന്ന് അയാൾ യാതൊരു മടിയും കൂടാതെ വാദിച്ചു. ഇതിനെന്താ വിലയെന്നു ചോദിച്ചപ്പോൾ സെയിൽസ്മാൻ അതെടുത്തു കാണിക്കുന്നതിനിടയിലാണ് അതു താഴെവീണു പൊട്ടിയത്. കസ്റ്റമർ തന്റെ ഭാഗം ന്യായീകരിച്ചും സെയിൽസ്മാനെ പ്രതിയാക്കിയും കേസ് വാദിച്ചുകൊണ്ടിരുന്നു. സെയിൽസ്മാൻ അന്തംവിട്ടു.