അനിശ്ചിതത്വങ്ങൾ പെരുകുന്നു ആക്ചൂറിയൽ സയൻസിൽ തൊഴിലവസരങ്ങളും

ലോകമെമ്പാടും അനിശ്ചിതത്വങ്ങളും പ്രതിസന്ധികളും വർധിക്കുന്നത് ആശങ്ക ഉയർത്തുന്നതാണ്. പക്ഷേ, അതിലൂടെ ഉയരുന്ന മികച്ച തൊഴിലവസരങ്ങൾ ഉപയോഗപ്പെടുത്താൻ നിങ്ങൾ ആഗ്രഹിക്കുന്നുണ്ടോ? എങ്കിൽ ആക്ചൂറിയൽ സയൻസ് പരിഗണിക്കാം.

- 

ഇന്ത്യയിൽ പ്രചാരം നേടാൻ തുടങ്ങുന്ന ഒന്നാണ് ആക്ചൂറിയൽ സയൻസ് ഇൻഷുറൻസ്, റിസ്ക് മാനേജ്മെന്റ്, ഫിനാൻസ് എന്നിങ്ങനെ പല മേഖലകളിലും ഈ രംഗത്തെ വിദഗ്ധരുടെ സേവനം ആവശ്യമാണ്. അതുകൊണ്ടുതന്നെ വരും വർഷങ്ങളിൽ വൻ തൊഴിൽ സാധ്യതകളാണ് ഈ മേഖലയിൽ നിങ്ങളെ കാത്തിരിക്കുന്നത്.

ആരാണ് ആക്ചൂറി?

 നിങ്ങൾ ഒരു ലൈഫ് ഇൻഷുറൻസ് പോളിസി എടുക്കുന്നത് ഭാവിയിലെ അപ്രതീക്ഷിത സംഭവങ്ങളെ തുടർന്ന് ഉണ്ടാകാവുന്ന നഷ്ടങ്ങളിൽ നിന്നുള്ള സാമ്പത്തിക പരിരക്ഷയ്ക്കു ഏതു തരം ഇൻഷുറൻസിന്റെയും അടിസ്ഥാന ലക്ഷ്യവും ഇതുതന്നെ.

വേണ്ടിയാണ്.

അങ്ങനെയെങ്കിൽ ഈ അനിശ്ചിതാവസ്ഥകളെ മുൻകൂട്ടി നിർണയിച്ച് സാമ്പത്തിക നഷ്ടത്തെ തിട്ടപ്പെടുത്തുവാൻ കഴിവുള്ള ഒരാൾ ഉണ്ടാകണമല്ലോ. ഈ ഒരാളാണ് ആക്ചുറി.

ഒരു കമ്പനിയിൽ ജോലി ചെയ്യുന്ന ജീവനക്കാർ വിരമിക്കുമ്പോൾ സ്ഥാപനം ഗ്രാറ്റുവിറ്റി മുതലായ റിട്ടയർമെന്റ് ആനുകൂല്യങ്ങൾ കൊടുക്കണമല്ലോ? അതിനു ഭാവിയിൽ ഉണ്ടാകുന്ന സാമ്പത്തിക ബാധ്യതയെ മുൻകൂട്ടിക്കണ്ട് എല്ലാ വർഷവും കമ്പനി കുറേശ്ശെയായി ജീവനക്കാരുടെ റിട്ടയർമെന്റ് ബാധ്യതയിലേക്കു നീക്കിയിരിപ്പു നടത്തണമെന്നാണു നിയമം.

വരും വർഷങ്ങളിൽ ഓരോരുത്തരുടേയും ശമ്പളത്തിൽ എത്രമാത്രം വർധന ഉണ്ടാകാമെന്നും വിരമിച്ചശേഷം എത്ര കാലം ജീവിച്ചിരിക്കുമെന്നും ഒക്കെ നിർണയിച്ച ശേഷമാണ് ഈ ബാധ്യത കണക്കാക്കുന്നത്.