പ്രവാസി ഡിവിഡൻഡ് സ്കീം ജീവിതകാലം മുഴുവൻ നിങ്ങൾക്കും പങ്കാളിക്കും മികച്ച വരുമാനം

സംസ്ഥാന സർക്കാർ പദ്ധതിയിൽ വിദേശമലയാളിക്കു പുറമേ വിദേശത്തു നിന്നും മടങ്ങിയവർക്കും അന്യസംസ്ഥാനങ്ങളിലെ കേരളീയർക്കും നിക്ഷേപിക്കാം.

- 

കയ്യിലൊതുങ്ങുന്ന തുക നിക്ഷേപിച്ചാൽ 10% ആദായം, അതും സർക്കാർ ഗാരന്റിയോടെ. മൂന്നാം വർഷം മുതൽ ലഭിച്ചു തുടങ്ങുന്ന മാസവരുമാനം നിക്ഷേപകനും പങ്കാളിയും ജീവിച്ചിരിക്കുന്ന കാലത്തോളം തുടരുകയും ചെയ്യും!! നിങ്ങൾക്ക് അറിയാമോ? കേരള സർക്കാർ പ്രവാസി മലയാളികൾക്കായി നടപ്പാക്കിയ പ്രവാസി ഡിവിഡൻഡ് സ്കീമിന്റെ ചില മികവുകളാണിത്.

സ്കീം എന്ത് ? എങ്ങനെ?

 2019 ൽ ആരംഭിച്ച പ്രവാസികൾക്കായി കേരള സർക്കാരിന്റെ ദീർഘകാല നിക്ഷേപ പദ്ധതിയാണിത്. സർക്കാർ സുരക്ഷയുള്ള പദ്ധതിയിൽ കേരള പ്രവാസി ക്ഷേമ ബോർഡ് ആണ് നിക്ഷേപം സ്വരൂപിക്കുന്നതും ഡിവിഡൻഡ് നൽകുന്നതും.

പദ്ധതിയെ അടുത്തറിയാം

 മൂന്നു മുതൽ 51 ലക്ഷം വരെ ഒറ്റത്തവണയായി നിക്ഷേപിക്കാം. 10% വാർഷിക നിരക്കിൽ ആദായം കിട്ടും. ആദ്യ മൂന്നു വർഷത്തെ ഡിവിഡൻഡ് നിക്ഷേപത്തോടു ചേർക്കും. 3 വർഷം കഴിയുന്ന തീയതി മുതൽ അതുവരെയുള്ള മൊത്തം തുക ലാഭവിഹിതം ലഭിച്ചു തുടങ്ങും. അതും നിക്ഷേപകന്റെ മരണം വരെ അതിനുശേഷം ജീവിതപങ്കാളിക്കും മരണം വരെ ഇതേ ഡിവിഡൻഡ് തുടരും. പങ്കാളിയുടെ കാലശേഷം അവകാശിക്കു നിക്ഷേപത്തുക തിരികെ ലഭിക്കും. അതുവരെ മുതൽ പിൻവലിക്കാനാകില്ല.

മടങ്ങിയെത്തിയവർക്കും

ഈ പദ്ധതിയിൽ ചേരാൻ പ്രായപരിധിയില്ല.