പഠിക്കണം, ട്രേഡിങ് സൈക്കോളജി

ട്രേഡിങ് മേഖലയിൽ 20% ആളുകൾ പോലും ലാഭം നേടുന്നില്ല. സ്ട്രാറ്റജികളോ ചാർട്ട് വിലയിരുത്താനുള്ള ശേഷിയില്ലായ്മയോ അല്ല, പെട്ടെന്നെടുക്കുന്ന വൈകാരിക തീരുമാനങ്ങളാണ് പരാജയകാരണം. ഈ പ്രശ്നത്തെ മറികടക്കാൻ ട്രേഡിങ് സൈക്കോളജി സഹായിക്കും.

- സന്തോഷ് ശിശുപാൽ പോസിറ്റീവ് സൈക്കോളജിസ്റ്റ് [e-mail]

ഓഹരി വിപണിയിൽ ഓഹരികൾ വാങ്ങുകയും വിൽക്കുകയും ചെയ്യുന്ന വ്യാപാരമാണ് ട്രേഡിങ്. ഓരോരുത്തരുടെയും സാമ്പത്തികലക്ഷ്യങ്ങളെ ആശ്രയിച്ച് ഈ വ്യാപാരം ഹ്രസ്വകാല അടിസ്ഥാനത്തിലും ദീർഘകാല അടിസ്ഥാനത്തിലും ചെയ്യാറുണ്ട്. ഒരേ ദിവസം തന്നെ ഓഹരികൾ വാങ്ങുകയും വിൽക്കുകയും ചെയ്യുന്നതാണ് ഇൻട്രാ ഡേ ട്രേഡിങ്

സമ്പന്നരാകാൻ ട്രേഡിങ്

പെട്ടെന്നു സമ്പന്നരാകാം എന്ന ആശയോടെ ഇന്ന് ഒട്ടേറെ യുവാക്കൾ ട്രേഡിങ് രംഗത്തുണ്ട്. അവരിൽ ഭൂരിപക്ഷത്തിനും പ്രിയം ഫോറിൻ എക്സ്ചേഞ്ച് ട്രേഡിങ് അഥവാ ഫോറെക്സ് ട്രേഡിങ് ആണ്. ഡോളർ പോലുള്ള വിദേശ കറൻസികളുടെ വിനിമയനിരക്കിലെ ഏറ്റക്കുറച്ചിലുകളനുസരിച്ച് അവ വാങ്ങുകയോ വിൽക്കുകയോ ചെയ്തു ലാഭമുണ്ടാക്കാനുള്ള ശ്രമമാണ് ഇത്തരം ട്രേഡിങ്ങുകൾ.