അരുമലോകം ഉണരുന്നു വിപണിയും സജീവം

വളർച്ചയുടെ വഴിയേ വീണ്ടും

- ജോബി ജോസഫ് തോട്ടുങ്കൽ

പോളണ്ടിനെക്കുറിച്ചു മാത്രമല്ല, പെറ്റ്സ് വിപണിയെക്കുറിച്ചും ഒരക്ഷരം മിണ്ടരുത് എന്ന സ്ഥിതിയായിരുന്നു കുറെക്കാലമായി. ഏതെങ്കിലും പെറ്റ്സ് സംരംഭകനോട് “എങ്ങനെയുണ്ട് ബിസിനസ്' എന്നു ചോദി ച്ചാൽ എന്തു പറയാനാ' എന്ന നിരാശ മാത്രമായിരുന്നു ഉത്തരം. കോവിഡ് കാലത്തെ വളർച്ചയ്ക്കു ശേഷം നേരിട്ട വീഴ്ചയുടെ ആഘാതം അത്ര വലുതായിരുന്നു. എന്നാൽ സ്ഥിതി മാറുകയാണ്. കോവിഡ് കാലത്തെ ഡിമാൻഡ് കണ്ട് മുൻപിൻ നോക്കാതെ പെറ്റ്സ് സംരംഭത്തിലേക്ക് എടുത്തുചാടിയവരെല്ലാം കൈ പൊള്ളി കളം വിട്ടു. പുതുസംരംഭങ്ങൾ വഴി പൊടുന്നനെയുണ്ടായ ഉൽപാദനപ്പെരുപ്പം ഒട്ടൊക്കെ ശ്രമിച്ചു.

വിപണി വീണ്ടും സ്ഥിരത നേടുകയാണ്. ഒപ്പം, അരുമകളെ സ്നേഹിക്കുന്നവരുടെ എണ്ണം കൂടുകയും ചെയ്യുന്നു. ഇതുവരെ കുട്ടികളും ചെറുപ്പക്കാരുമായിരുന്നു അരുമകളോട് ഇഷ്ടം കാണിച്ചിരുന്നതെങ്കിൽ ഇന്ന് കൂടുതൽ താൽപര്യം മുതിർന്നവർക്കാണ്. പഠനത്തിനും ജോലിക്കുമായി കുട്ടികളും ചെറുപ്പക്കാരും വീടു വിട്ടു പോകുമ്പോഴുള്ള ഏകാന്തതയ്ക്കു പരിഹാരമായി മുതിർന്നവർ ചേർത്തു പിടിക്കുന്നത് അരുമപ്പക്ഷികളെയും മൃഗങ്ങളെയുമാണ്.

കോവിഡ് സൃഷ്ടിച്ച പ്രതിസന്ധി