തുണികൾക്കു നിറമേകാൻ അടയ്ക്കാച്ചായം

അടയ്ക്കയിൽനിന്നുള്ള പ്രകൃതിദത്ത ചായങ്ങൾകൊണ്ടു നിറം നൽകിയ വസ്ത്രങ്ങൾക്ക് ലോകമെങ്ങും ആവശ്യക്കാരേറുന്നു

- ശ്രീപദ്രെ

കലങ്കാരിയുടെ തൊപ്പിയിലെ തൂവലാണ് അടയ്ക്കാ കച്ചായങ്ങൾ രാജ്യാന്തര പ്രശസ്ത കലങ്കാരി കലാകാരൻ പിച്ചുക ശ്രീനിവാസിന്റെ അഭിപ്രായം കമുകു കർഷകർക്ക് പുതിയൊരു വാതിൽ തുറക്കുകയാണ്. ആന്ധ്രയിൽ പരമ്പരാഗതമായി നെയ്തുണ്ടാക്കുന്ന കല ങ്കാരി കോട്ടൺ തുണിത്തരങ്ങളെക്കുറിച്ചു കേൾക്കാത്തവരുണ്ടാകില്ല. സസ്യജന്യമായ ചായക്കൂട്ടുകൾ തുണിയിൽ പെയിന്റ് ചെയ്തോ ബ്ലോക്ക് പ്രിന്റിങ് നടത്തിയോ നിർമിക്കുന്ന വസ്ത്രങ്ങളാണ് കലങ്കാരി. പ്രകൃതിദത്ത നിറങ്ങൾക്കായി കളിയടയ്ക്കയിൽ നിന്നുള്ള ചായം കൂടുതൽ ഉപയോഗിക്കുന്നുണ്ട് കലങ്കാരി കലാകാരന്മാർ. വസ്ത്രനിർമാണ വ്യവസായമാകെ ഈ പ്രകൃതി സൗഹൃദ ചായം ഉപയോഗിച്ചാൽ അതു കർഷകർക്കു നൽകുന്ന നേട്ടം എത്ര വലുതാതിരിക്കുമെന്നു സൂചിപ്പിക്കുകയായിരുന്നു ശ്രീനിവാസ്.

രാസവസ്തുനിർമിതിമായ കൃത്രിമച്ചായങ്ങൾ തുണി വ്യവസായത്തിലെ തൊഴിലാളികൾക്ക് ഒട്ടേറെ ആരോഗ്യ പ്രശ്നങ്ങളുണ്ടാക്കുന്നുവെന്നതു രഹസ്യമല്ല. അതുപോലെ വ്യവസായ യൂണിറ്റുകളുടെ സമീപപ്രദേശങ്ങളിൽ ജലമലിനീകരണത്തിനും ഇതിടയാക്കുന്നു. പ്രകൃതിദത്ത നിറക്കൂട്ടുകൾ ഉപയോഗിക്കുന്നപക്ഷം ഈ പ്രശ്നങ്ങളൊക്കെ പരിഹരിക്കാനാവും. ഏതായാലും ഈ രംഗത്ത് അടുത്ത കാലത്തായി നല്ല മുന്നേറ്റമുണ്ട്.