അസിന്റെ പിന്മാറ്റത്തിന് കാരണം

പോക്കിരി, ദശാവതാരം തുടങ്ങി സൂപ്പർ ഹിറ്റ് സിനിമകളുടെ വലിയൊരു നിര തന്നെ അസിന് തമിഴകത്ത് ലഭിച്ചു. മലയാളത്തിൽ നിന്നും സിനിമകൾ വന്നെങ്കിലും തിരക്കുകൾ കാരണം നടിക്ക് ചെയ്യാൻ സാധിച്ചില്ല. വെട്ടം, പ്രേമം ഉൾപ്പെടെയുള്ള മലയാള സിനിമകളിലേക്ക് ആദ്യം പരിഗണിച്ചത് അസിനെയാണ്. ബോളിവുഡിലേക്ക് കടന്നപ്പോൾ താരറാണിയായി അസിൻ വളരുമെന്ന് ഏവരും കരുതി. ഹിന്ദിയിൽ തുടരെ ഹിറ്റ് സിനിമകളും താരത്തിന് ലഭിച്ചു.

- 

സത്യൻ അന്തിക്കാടിന്റെ നരേന്ദ്രൻ മകൻ ജയകാന്തൻ വക' എന്ന ചിത്രത്തിലൂടെ മലയാള സിനിമയിലേക്ക് ചുവടുവെച്ച താരമാണ് അസിൻ തോട്ടുങ്കൽ. മോഡലിംഗ് രംഗത്ത് നിന്നും വന്ന താരത്തെ പിന്നീട് അധികം മലയാള ചലച്ചിത്രങ്ങളിൽ കാണുവാൻ സാധിച്ചിരുന്നില്ല. തമിഴ്, തെലുങ്ക്, ഹിന്ദി സിനിമകളിൽ സജീവമായിരുന്നപ്പോഴും അസിന് തന്റേതായ നിബന്ധനകൾ ഉണ്ടായിരുന്നു. ഗ്ലാമറസ് വേഷങ്ങളിൽ അഭിനയിക്കില്ലെന്ന തീരുമാനമാണ് ഇതിലൊന്ന്. ബില്ല ഉൾപ്പെടെയുള്ള സിനിമകൾ അസിൻ വേണ്ടെന്ന് വെച്ചതും ഇക്കാരണത്താലാണ്.