കളങ്കാവൽ-A crime thriller

നാഗർകോവിലിലും എറണാകുളത്തുമായി ചിത്രീകരണം പൂർത്തിയായ ഒരു മമ്മൂട്ടി സിനിമയുണ്ട്, "കളങ്കാവൽ.

- ജി.കെ

നാഗർകോവിലിലും എറണാകുളത്തുമായി ചിത്രീ കരണം പൂർത്തിയായ ഒരു മമ്മൂട്ടി സിനിമയുണ്ട്, "കളങ്കാവൽ.

ഈ സിനിമയുടെ സംവിധായകൻ ജിതിൻ, തിരക്കഥാകൃത്ത് നവാഗതനായ ജിഷ്ണു. ഈ സിനിമയ്ക്കുവേണ്ടി പ്രയത്നിക്കുന്ന സഹപ്രവർത്തകരാണ് ഇവരെന്ന് വിചാരിക്കാൻ വരട്ടെ.

സഹപ്രവർത്തകരേക്കാളുപരി ഇരുവരും സഹപാഠികളാണെന്നതാണ് വസ്തുത. പഠിക്കുന്ന കാലത്തും ഞങ്ങളുടെ സിലബസ് സിനിമ തന്നെയായിരുന്നുവെന്ന് ജിഷ്ണു പറയുന്നു. അങ്ങനെ സിനിമ സ്വപ്നം കണ്ട് നടക്കുന്നവരായിരുന്നു ഞങ്ങൾ.

കോളേജിൽ നിന്നും പഠനം പൂർത്തിയാക്കി ഇറങ്ങുമ്പോൾ ഒരു ജോലി സമ്പാദിക്കണമെന്നത് എനിക്ക് നിർബന്ധമായിരുന്നുവെന്ന് ജിഷ്ണു പറയുന്നു. എന്നാൽ, ജിതിനാകട്ടെ സിനിമയ്ക്കുവേണ്ടി യുള്ള പരിശ്രമങ്ങൾ തുടർന്നു. എനിക്ക് ജോലിയും സിനിമയും പാരലായി കൊണ്ടു പോകാനായിരുന്നു ആഗ്രഹവും തീരുമാനവും.