ഇണക്ക പിണക്കങ്ങളിലൂടെ

ഗിന്നസ് പക്രു നായകനായെത്തുന്ന സിനിമയാണ് 916 കുഞ്ഞുട്ടൻ. മോർസെ ഡ്രാഗൺ എന്റർടെയ്മെന്റ് നിർമ്മിക്കുന്ന സിനിമ ആര്യൻ വിജയ് ആണ് സംവിധാനം ചെയ്തിരിക്കുന്നത്. ഒരു ഫാമിലി എന്റർടെയ്നർ വിഭാഗത്തിലുളള ചിത്രത്തിൽ ടിനി ടോമും രാകേഷ് സുബ്രഹ്മണ്യവുമാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്ന ത്. സിനിമയുടെ വിശേഷങ്ങളുമായി സുഹൃത്തുക്കളായ ഗിന്നസ് പക്രുവും ടിനിടോമും...

- അപ്പൂസ് കെ.എസ്

എ ന്താണ് 916 കുഞ്ഞൂട്ടൻ

പക്രു: തങ്കം പോലെയൊരു കുഞ്ഞൂട്ടൻ. അയാളുടെ ജീവിതം പറയുന്ന ഒരു സിനിമ. അയാളുടെ ജീവിതത്തിൽ നടക്കുന്ന കാര്യങ്ങൾ, ജീവിതത്തിലേക്ക് കടന്നുവരുന്ന കഥാപാത്രങ്ങൾ അങ്ങനെ... സിനിമയ്ക്ക് ഒരുപാട് പ്രത്യേകതകൾ ഉണ്ട്. ഞാൻ ഇതുവരെ ചെയ്ത സിനിമകളിൽ നിന്നും മാറി നിൽക്കുന്ന ഒരു കഥാപാത്രം ആണ് ഇതിലേത്.

എന്തുകൊണ്ട് ഈ സിനിമ ചെയ്യണം എന്ന് തീരുമാനിച്ചു