രണ്ടെണ്ണം കയ്യിൽ നിന്ന് ഇട്ടാലോ? അഖിൽ കവലയൂർ

വിപിൻദാസ് സംവിധാനം ചെയ്ത ഗുരുവായൂരമ്പലനടയിൽ എന്ന ചിത്രത്തിൽ കുഞ്ഞുണ്ണി എന്ന കഥാ പാത്രത്തെ മികച്ച രീതിയിൽ അവതരിപ്പിച്ചു പ്രേക്ഷക ഹൃദയങ്ങൾ കീഴടക്കുകയാണ് മിനിസ്ക്രീൻ താരവും മിമിക്രിതാരവും അഭിനേതാവുമായ അഖിൽ കവലയൂർ

- പ്രതീഷ് ശേഖർ

വിപിൻദാസ് സംവിധാനം ചെയ്ത ഗുരുവായൂരമ്പലനടയിൽ എന്ന ചിത്രത്തിൽ കുഞ്ഞുണ്ണി എന്ന കഥാ പാത്രത്തെ മികച്ച രീതിയിൽ അവതരിപ്പിച്ചു പ്രേക്ഷക ഹൃദയങ്ങൾ കീഴടക്കുകയാണ് മിനിസ്ക്രീൻ താരവും മിമിക്രിതാരവും അഭിനേതാവുമായ അഖിൽ കവലയൂർ. ഫ്ളവേഴ്സിൽ സംപ്രേഷണം ചെയ്യുന്ന സ്റ്റാർ മാജിക്കിലൂടെ ശ്രദ്ധേയനായ അഖിൽ കവലയൂർ പ്രേക്ഷകരുടെ ശ്രദ്ധ പിടിച്ചുപറ്റിയ ഹാസ്യ അഭിനയമികവാണ് ചിത്രത്തിൽ കാഴ്ച വച്ചിരിക്കുന്നത്. സ്റ്റാർ മാജിക്കിൽ ആദ്യം തന്റെ ശബ്ദത്തിലൂടെ അശരീരിയായി എത്തിയ അദ്ദേഹം ഇപ്പോൾ അതെ പരിപാടിയുടെ പ്രധാന ഗ്ലാമറാണ്. ഗുരുവായൂരമ്പലനടയിൽ വിനുവിന്റെ സഹപ്രവർത്തകൻ എന്നതിലുപരി വിനുവിന്റെയും ആനന്ദിന്റെയും ജീവിതത്തിലെ പല വഴിത്തിരിവുകൾക്കും തിരികൊളുത്തുന്നത് അഖിൽ അവതരിപ്പിച്ച "കുഞ്ഞുണ്ണി എന്ന കഥാപാത്രമാണ്. അയ്യപ്പഭക്തനായ ആനന്ദന്റെ കൂട്ടുകാരൻ രണ്ടെണ്ണം കയ്യിൽ നിന്ന് ഇട്ടത് പല മടങ്ങായി പ്രേക്ഷകർ ഏറ്റെടുത്തു.

നാനാ ഫിലിം മാഗസിനിൽ അഖിൽ കവലയൂർ മനസ്സ് തുറക്കുന്നു.