മലയാളസിനിമയിൽ ശ്രദ്ധേയരാകുന്ന അമ്മയും മകളും

ഫ്ളവേഴ്സ് ചാനലിലെ ഉപ്പും മുളകും പരമ്പരയിൽ മുടിയൻ എന്ന കഥാപാത്രത്തിന്റെ ഭാര്യയായി അഭിനയിച്ചതോടെ എവിടെയും ശ്രദ്ധാകേന്ദ്രമായി

- മൈക്കിൾ വർഗ്ഗീസ് ചെങ്ങാടക്കരി

മലയാള സിനിമയിലെ അപൂർവ്വ താരോദയം എന്നു വിശേഷിപ്പിക്കാവുന്നതാണ് ഈ അമ്മയുടെയും മകളുടെയും അരങ്ങേറ്റം. ഷീന സന്തോഷ്, ശൈത്യ സന്തോഷ് എന്നിവരാണ് ശ്രദ്ധേയമായ വേഷത്തിലൂടെ മലയാള ചലച്ചിത്രത്തിന്റെ ഭാഗമായിരിക്കുന്നത്.

ചേർത്തല സ്വദേശിയായ ശൈത്യ സന്തോഷാണ് ആദ്യം സിനിമയിലെത്തിയത്. കുറേയേറേ നല്ല വേഷങ്ങൾ ലഭിക്കുകയും ചെയ്തു. മഞ്ജുവാര്യർ നായികയായ ജോ ആന്റ് ദി ബോയ്, കിംഗ് ലയർ, നിങ്ങൾ ക്യാമറ നിരീക്ഷണത്തിലാണ് തുടങ്ങിയ സിനിമകളിലെ വേഷങ്ങൾ ശ്രദ്ധേയമായി.