സഫലമാകുന്ന കാത്തിരുപ്പ് - വിനയൻ

അന്നെനിക്ക് വലിയ രോമാഞ്ചം തന്ന ഒരു സീനായിരുന്നു അത്.

- ജി. കൃഷ്ണൻ

കേരളത്തിന്റെ മുൻകാല ചരിത്രത്തിൽ ഒട്ടേറെ സംഭവങ്ങളുണ്ട്. അയിത്തവും തീണ്ടലും തൊടീലും തുടങ്ങി പല സംഭവങ്ങൾ. ഇന്നത്തെ പുതിയ തലമുറയ്ക്ക് അതേക്കുറിച്ചൊന്നും അറിവില്ല.

ആറാട്ടുപുഴയ്ക്കടുത്തുള്ള ഒരു ദേശമാണ് അമ്പലപ്പുഴ. പ്രശസ്ത സംവിധായകൻ വിനയന്റെ നാട് അമ്പലപ്പുഴയാണ്.

പതിനേഴ് വർഷങ്ങൾക്ക് മുൻപ് വിനയൻ “അത്ഭുതദ്വീപ്' എന്ന സിനിമ ചെയ്തു കഴിഞ്ഞപ്പോൾ പത്തൊൻപതാം നൂറ്റാണ്ടിൽ നടന്ന മാറുമറയ്ക്കൽ സമരവും ഒക്കെ സിനിമയായി അവതരിപ്പിച്ചാലോ എന്നാലോചിച്ചിരുന്നു. എന്നാൽ, പിന്നീട് ചില പ്രതിബന്ധങ്ങൾ വന്നുചേർന്നതോടെ ബ്രഹ്മാണ്ഡ സിനിമയായി മാറുന്ന ഈ കഥ സിനിമയാക്കുന്ന ഉദ്യമം തൽക്കാലം പെൻഡിംഗിൽ വയ്ക്കാൻ വിനയൻ നിർബന്ധിതനായി.

എന്നാലിപ്പോൾ ആ കഥയും സംഭവങ്ങളും വിനയൻ പത്തൊൻപതാം നൂറ്റാണ്ട് എന്ന പേരിൽ സിനിമയാക്കപ്പെട്ടിരിക്കുന്നു. വിനയൻ പറഞ്ഞു.