കാണാമറയത്ത്

കഥക്കൂട്ട്

- തോമസ് ജേക്കബ്

കാൺമാനില്ല എന്നു മനുഷ്യരെപ്പറ്റി മാത്രമല്ല, ഭാഷയിലെ വാക്കുകളെപ്പറ്റിയും പരസ്യം ചെയ്യാമെന്നു തോന്നുന്നു. അത്രയേറെ വാക്കുകൾ അപ്രത്യക്ഷമായിട്ടുണ്ട്.

ഹോസ്പിറ്റൽ, ആശുപത്രി എന്നൊക്കെയല്ല, രോഗപ്പുര എന്നാണ് പണ്ടു പറഞ്ഞിരുന്നത്. ഉള്ളൂരിന്റെ സാഹിത്യചരിത്രത്തിൽ ഈ പ്രയോഗമുണ്ട്. കിടമുറ (Nightduty),വേലവിലക്ക്(Suspension),മുന്ന soi (Prepaid), ilmsai (Postpaid), oilgimi (Margin), പറ്റുചീട്ട് (Acknowledgement card) എന്നിങ്ങനെ തർജമകളുണ്ടായിരുന്നു.

സമ്പ്രദായങ്ങൾ മാറുമ്പോൾ പഴയതു പലതും നമ്മൾ മറന്നുപോകുന്നു. കാർട്ടൂണിസ്റ്റ് യേശുദാസ് 2021 ൽ നിര്യാതനായപ്പോൾ ഞാൻ മനോരമയിൽ എഴുതിയ അനുസ്മരണക്കുറിപ്പിൽ ഒപ്പുതാളിനെ വെല്ലുന്ന യേശുദാസന്റെ നിരീക്ഷണ പാടവത്തെപ്പറ്റി എഴുതിയിരുന്നു. സംഗതി എന്താണെന്നു മനസ്സിലാവുന്നില്ലല്ലോ എന്ന് അത് എഡിറ്റ് ചെയ്ത പുതുതലമുറയിലെ പത്രപ്രവർത്തകൻ എന്നെ വിളിച്ചു പറഞ്ഞു. ഒടുവിൽ, ഞാൻ ആ വാചകം തിരുത്തിക്കൊടുത്തു. മഷിപ്പേനയലെ മഷി പടരാതിരിക്കാൻ പേജിൽ നിന്ന് അധികമഷിയോടൊപ്പം അക്ഷരങ്ങളും ഒപ്പിയെടുക്കുന്ന ഒപ്പുതാളിനെ വെല്ലുന്ന നിരീക്ഷണപാടവത്തോടെയാണ് യേശുദാസ് ഇതു സാധിച്ചത്.

തലയിൽ ഭാരം കയറ്റി വയ്ക്കുമ്പോൾ തല വേദനിക്കാതിരിക്കാൻ വയ്ക്കുന്ന ചുമാടും ഇന്നു വംശനാശം വന്ന വാക്കാണ്.