EPassport க்கு மாறலாம் வாங்க!

ஆமாம் சாமி... ஆமாம். பழைய பாஸ்போர்ட்களின் கதை விரைவில் முடியப் போகிறது.

- என். ஆனந்தி

அதற்கான ஆரம்பமாக வெளியுறவுத் துறை அமைச்சகம் ஓட்டு மொத்த பழைய பாஸ்போர்ட் நடைமுறையை மாற்றும்படி சொல்லியதுடன் சிப்-பேஸ்டு ஈ-பாஸ்போர்ட்களை அமலுக்கு கொண்டு வந்துள்ளது. பயோமெட்ரிக் விவரங்கள் (Biometric Data), ஆர்எப்ஐடி டெக்னாலஜி (RFID Technology), பப்ளிக் கீ இன்பிராஸ்டிரக்சர் (Public Key Infrastructure) போன்றவற்றுடன் புதிய ஈ-பாஸ்போர்ட் கொடுக்கப்பட இருக்கின்றது.

ரைட். இந்த ஈ-பாஸ்போர்ட்டின் முழு விவரங்களைத் தெரிந்து கொள்வோமா?

ஒன்றிய அரசின் கீழ் செயல்படும் வெளியுறவுத் துறை அமைச்சகமானது, பாஸ்போர்ட் வழங்குதல் மற்றும் பயன்படுத்தலில் டிஜிட்டல் முறையை கொண்டு வருவதற்கு பாஸ்போர்ட் சேவா திட்டம் 2.0-ஐ (Passport Seva Programme 2.0) கொண்டு வந்தது நினைவில் இருக்கிறதல்லவா? இந்தத் திட்டத்தின்படி ஆர்எப்ஐடி சிப் (RFID Chip) பேஸ்டு ஈ-பாஸ்போர்ட் அமல் செய்யப்பட்டிருக்கிறது. அதாவது, பழைய பாஸ்போர்ட்களில் பேப்பர் டாகுமென்ட்களாக இருக்கும் டேட்டாக்கள் ஒட்டுமொத்தமாக டிஜிட்டலுக்கு மாற இருக்கிறது.