LDC 12,238 LGS 8,538 നിയമനങ്ങൾ

ക്ലാർക്ക്: 378 നിയമനം ഉടൻ; 637നു കൂടി സാധ്യത • ലാസ്റ്റ് ഗ്രേഡ് നിയമനം തുടരുന്നു പുതിയ ലിസ്റ്റുകളിലേക്കും ഒഴിവ് വന്നുതുടങ്ങി

- ഷാജി പൊന്നോല

വിവിധ വകുപ്പുകളിൽ ക്ലാർക്ക് തസ്തികയുടെ ജൂലൈ 31നു റദ്ദായ റാങ്ക് ലിസ്റ്റിലെ നിയമന ശുപാർശ 12,000 കടന്നു.

കാലാവധി അവസാനിച്ച ദിവസം (ജൂലൈ 31) റിപ്പോർട്ട് ചെയ്ത ഒഴിവുകളിൽ നിയമന ശുപാർശ പൂർത്തിയാകും മുൻപ് 14 ജില്ലകളിലായി 12,238 പേർക്കു നിയമന ശുപാർശ ലഭിച്ചിട്ടുണ്ട്. എല്ലാ ജില്ലയിലുമായി ജൂലൈ 31ന് 378 ഒഴിവാണു റിപ്പോർട്ട് ചെയ്തത്. ഇതിലെ നിയമന ശുപാർശാ നടപടി കുറച്ചു ജില്ലകളിലേ പൂർത്തിയായിട്ടുള്ളൂ. ബാക്കി ജില്ലകളിൽ വൈകാതെ ശുപാർശ നൽകും.