തലസ്ഥാന പരിവർത്തനം

അഴിമതി വിരുദ്ധ പ്രവർത്തനങ്ങളുടെ മുഖമായി മാറിയ അരവിന്ദ് കേജ്രിവാളിന് അഴിമതിയുടെ പേരിൽ അധികാരനഷ്ടം !

- ശ്വേത എസ്.നായർ

ഡൽഹി ജനവിധിയിലൂടെ ഇന്ത്യൻ രാഷ്ട്രീയത്തിലെ കേന്ദ്രകഥാപാത്രമായി വീണ്ടും മാറിയിരിക്കുകയാണ് അരവിന്ദ് കേജ്രിവാൾ. അഴിമതിക്കെതിരായ പോരാട്ടങ്ങളുടെ മുഖമായിട്ടായിരുന്നു മുൻപു കേജരിവാൾ ശ്രദ്ധാകേന്ദ്രമായതെങ്കിൽ ഇക്കുറി അതിനൊരു തിരുത്തുണ്ട്. ഡൽഹി എന്ന ഈറ്റില്ലത്തിൽ ആം ആദ്മി പാർട്ടിക്കും അരവിന്ദ് കേജ്രിവാളിനും തിരിച്ചടിയേറ്റതിന്റെ അലയൊലികളാണു രാജ്യമെങ്ങും. എഴുപതംഗ നിയമസഭയിൽ 48 സീറ്റുകൾ നേടി ബിജെപി കാൽനൂറ്റാണ്ടിനു ശേഷം ഡൽഹിയിൽ അധികാരം പിടിച്ചെടുത്തപ്പോൾ ആം ആദ്മിക്കു ലഭിച്ചത് 22 സീറ്റ് മാത്രം. പലവട്ടം മുഖ്യമന്ത്രിയും ആപ്പിന്റെ മുഖവുമായ അരവിന്ദ് കേജ്രിവാളിനും ജനങ്ങളുടെ മനസ്സിൽ ഇടംനേടാനായില്ല. എംഎൽഎ സ്ഥാനം പോലും നഷ്ടമായി പരാജയത്തിൽ അടിതെറ്റി നിൽക്കുകയാണ് കേജ്രിവാൾ.

പ്രതിഛായയിൽ ഉലഞ്ഞ്