తల్లిదండ్రుల బాధ్యత

ఏ దేశానికైనా యువతే వెన్నెముక దేశ సంపద దేశ భవిష్యత్తు. దేశం అభివృద్ధి పదంలో పయనించాలంటే దానికి యువతే రథచక్రాలు.

- 

ఏ దేశానికైనా యువతే వెన్నెముక దేశ సంపద దేశ భవిష్యత్తు. దేశం అభివృద్ధి పదంలో పయనించాలంటే దానికి యువతే రథచక్రాలు. ఇటు వంటి యువతలో కొంత భాగం క్రమశిక్షణ లేక దిశా నిర్దేశాలు లేక తమ బంగారు భవిష్యత్తుని నాశనం చేసుకుంటూ తల్లిదండ్రులు, కుటుంబ గౌరవాన్నిమంట కలుపుతూ దేశఅభివృద్ధి ప్రశ్నార్థకంగా మారేలా చేస్తున్నారు. మహోన్నతమైన భారతదేశ సంస్కృతి

సాంప్రదాయాలు ఆచారాలు పాటించ కుండా సామాజిక భద్రతకి భంగం కలిగిస్తున్నారు.నిద్రలేచి ఏ వార్తాపత్రిక చూసిన బాధాకరమైన విషయాలతోనే మనరోజు ప్రారంభమవుతోంది అనడంలో హాస్యాస్పదం లేదు, హత్య, అత్యాచారం, దోపిడి, సైబర్ క్రైమ్ లేకపోతే ఆత్మహత్య. ఈ పరిస్థితులకు కారణం ఎమిటి? తల్లిదండ్రుల పెంపకమా? సోషల్ మీడియానా?

బ్రతుకుతున్న సామాజిక వాతావరణమా? అభ్యసిస్తున్న చదువులా? నేడు మనం చూస్తున్న కుటుంబ నేపథ్యాలలో చాలావరకు ఏడుస్తున్న పిల్లవాడి ఏడుపు ఆపడానికి ప్రయోగి స్తున్న బ్రహ్మాస్త్రం ఏంటంటే సెల్ఫోను వాడి చేతిలో పెట్టడం. అన్నం తినా లంటే సెల్ ఫోన్ అల్లరి ఆపాలంటే సెల్ఫోన్ ఇలా సెల్ఫోన్తో ప్రారంభ మైన స్నేహం విడదీయరాని బంధంగా మారికాలక్రమంలో శరీరంలో ఒక భాగమై కూర్చుంది. బడి నుంచి వచ్చిన పిల్లవాడు అమ్మని వెతకడం లేదు.తినడానికి ఏమున్నాయి అని వెతకడంలేదు సెల్ఫోన్ని వెతుకు తున్నాడు.