చిన్ననాటి “గుణపాఠం”

ఎనిమిదేళ్ల అను తన తల్లి లతతో కలిసి ఒక గ్రామంలో నివసిస్తుండేవాడు. అతని తండ్రి రెండేళ్లక్రితం ఒక ప్రమాదంలో చనిపోయాడు.

- కథ • డాక్టర్ కె.రాణి

ఎనిమిదేళ్ల అను తన తల్లి లతతో కలిసి ఒక గ్రామంలో నివసిస్తుండేవాడు. అతని తండ్రి రెండేళ్లక్రితం ఒక ప్రమాదంలో చనిపోయాడు. అన్షును పెంచడానికి అతని తల్లి లత పగలు రాత్రి శ్రమిస్తూ అతని కోరికలన్నీ తీర్చే ప్రయత్నం చేస్తుండేది. అదే గ్రామంలోని పాఠశాలలో మూడో తరగతి చదువుతుండేవాడు.

ఒక రోజు అతను తన క్లాస్మేట్స్ రాహుల్, శ్యామ్, బ్రిజ్, అనిల్లలతో కలిసి ఉదయం పాఠశాలకు వెళ్తున్నాడు. దారిలో పక్కింటి గోపీ దాదీకి చెందిన పెద్ద పొలం గుండా నడుచుకుంటూ వెళ్లారు. అది వర్షాకాలం.

అక్కడ తీగలు వేసారు.

"దాదీ పొలంలో చాలా దోసకాయలు ఉన్నాయి. మనం కొన్నింటిని కోసుకుందాం” అన్నాడు రాహుల్.

“మనల్ని చూస్తే దాదీకి చాలా కోపం వస్తుంది. తను

తోటని దగ్గరుండి చూసుకుంటున్నది" శ్యామ్ బదులిచ్చాడు.

“మనం ఐదుగురం. దాదీ ఒంటరిగా ఉన్నది.

మనం తోటలోకి వెళ్లి దోసకాయలు కోసేటప్పుడు అన్షు కాపలాగా ఉంటాడు. సరేనా? అన్షూ”.

అనుకి వారితో కలిసి దొంగతనం చేయడం ఇష్టం లేదు. తప్పుడు పనులు చేయవద్దని అతని తల్లి ఎప్పుడూ హెచ్చరిస్తూ ఉంటుంది.

అతను నిశ్శబ్దంగా ఉండడం చూసి బ్రిజ్ "అతిగా ఆలోచించకు అను. దోసకాయలు కోసుకోవడం నిజంగా దొంగతనం కాదు. నువ్వు ఎవరినైనా అడిగి తెలుసుకో” అన్నాడు.

దీంతో అను కొంచెం కుదుటపడ్డాడు. ఒకరి పొలంలో నుంచి దోసకాయలు తీసుకోవడం దొంగతనంగా పరిగణించబడదని అతని మామ కూడా చెప్పాడు గతంలో. నలుగురు స్నేహితులు దోసకాయలు కోయడానికి దాదీ తోటకి చేరుకున్నారు. అను పక్కకు నిలబడి చూస్తూ ఉండిపోయాడు. వాళ్లు రెండు దోసకాయలు కోసుకున్నారో లేదో ఇంతలో దాదీ అరుపు వినిపించింది. దాంతో అన్షు “పరుగెత్తండి...పరుగెత్తండి, దాదీ వస్తున్నది!” అన్నాడు.

నలుగురూ బ్యాగులు పట్టుకుని అక్కడి నుంచి స్కూల్ వైపు పరుగెత్తారు. అన్షు మాత్రం వెనకే ఉండిపోయాడు. దాదీ తనను తిట్టదని అతను అనుకున్నాడు. ఎందుకంటే ఆమె తరచుగా వాళ్ల ఇంటికి వస్తూ ఉండేది. అంతేకాదు అతనన్నా, అతని తల్లి లత అన్నా దాదీకి ప్రేమ. ఎప్పుడూ ఆప్యాయతతో పలకరిస్తూ ఉండేది.

దాదీ అతన్ని పట్టుకుని “దొంగతనం చేయడానికి నీకు సిగ్గు లేదా అన్షూ?” అని అడిగింది.

“నేను దోసకాయలు తీసుకోలేదు దాదీ".