வெற்றி பெறப் போகிறார் சிங்கம் லியோ

சம்பக் காட்டில் நடக்கவிருந்த குத்துச்சண்டைப் போட்டி பெரும் பரபரப்பாக பேசப்பட்டது.

- அல்கா ஜெயின்

ஐந்து காடுகளில் இருந்து காட்டுக்கு ஒருவர் தேர்ந்தெடுக்கப் பட்டிருந்தனர்; சுந்தரவன் சார்பில் ராஜா லியோ சிங்கம் தேர்ந்தெடுக்கப்பட்டார்.

இந்த செய்தி டம்பி குரங்கிற்கு கவலையளித்தது. லியோ ராஜாவிடம் இப்போது முன்பு போல வலிமையோ சுறுசுறுப்போ இல்லை. அவர் சாப்பிட்டு சாப்பிட்டு, சோம்பலாகி தூங்கிக் கொண்டிருக்கிறார். காட்டின் அரசராக அவர் மீது எப்போதும் மரியாதை இருந்தாலும், உடல் தகுதி மற்றும் சுறுசுறுப்பை பற்றிய குறை இருந்தது.

"போட்டிக்காக வரும் போட்டியாளர்கள் மிகவும் பலசாலிகள், வேகமாக செயல் படுவார்கள், மகாராஜா. நீங்கள் தயார் செய்யாவிட்டால், சுந்தரவனின் மரியாதையே கேள்விக்குள்ளாகும்," என்று டம்பி எச்சரித்தார்.

“டம்பி, கவலைப்படாதே. நான் களத்தில் கால் வைத்ததும் என் பெயர் கேட்ட உடனே மற்றவர்கள் ஓடிப்போய் விடுவார்கள்," என்று சிரித்தவாறே லியோ சொன்னார்.

‘இவருக்கு இவர் எந்த நிலையில் இருக்கிறார் என்பதே தெரியவில்லை,' என்று டம்பி உள்ளத்தில் நினைத்தார்.

அவர் நேராக தனது நண்பன் பிளாக்கி காக்கை இடம் போய் அனைத்தையும் சொன்னார்.

“நம் மகராஜா அவர் எவ்வளவு சோம்பேறி என்றும், இனி அவரால் முடியாது என்றும் உணருமாறு ஏதாவது செய்யவேண்டும்," என்றார் பிளாக்கி.

அந்த வழியாக சென்ற வூஃபி அணிலும் உரையாடலில் கலந்து கொண்டாள். “சரி," என்றாள் வூஃபி, “நான் ஒரு திட்டம் போடுகிறேன். நம் மகாராஜாவை இப்படியே விட்டுவிட முடியாது. இது சுந்தரவனின் கௌரவம்!”

அடுத்த நாள் காலை, லியோ எழுந்தவுடன் அருகிலுள்ள புதர்களுக்கு பின்னால் வூஃபியும் பிளாக்கியும் மென்மையாக பேசுவது கேட்டது.