എലികൾ മാത്രമുള്ള കാട്

യൂറോപ്യൻ നാടോടിക്കഥ

- 

പണ്ടുപണ്ട് ഒരു കൃഷിക്കാരൻ തന്റെ വീട്ടിലെ പ്രായമായ ഒരു പൂച്ചയെ കാട്ടിൽ ഉപേക്ഷിച്ചു. പാവം പൂച്ച വിശന്നും പേടിച്ചും ഒരു മരച്ചുവട്ടിൽ ഇരിക്കുമ്പോഴാണ് ഒരു കുറുക്കൻ വന്നത്. ആ കാട്ടിൽ ആരും അതിനു മുൻപ് പൂച്ചയെ കണ്ടിട്ടുണ്ടായിരുന്നില്ല.

കുറുക്കൻ വിനയത്തോടെ ചോദിച്ചു: “അങ്ങ് ആരാണ്?”

പൂച്ച ഗമയോടെ പറഞ്ഞു: “ഞാൻ സൈബീരിയയിൽ നിന്ന് വരുന്ന ഉദ്യോഗസ്ഥനാണ്. ഈ കാട്ടിലെ കാര്യങ്ങൾ പരിശോധിക്കാൻ പ്രത്യേകം അയച്ചതാണെന്നെ.

കുറുക്കൻ ചിന്തിച്ചു: "ഇദ്ദേഹ ത്തെ കൂടെ കൂട്ടുന്നതു നല്ലതാണ്! '

കുറുക്കൻ പൂച്ചയെ തന്റെ മാളത്തിലേക്ക് ക്ഷണിച്ചു. അവന് വേണ്ട സൗകര്യങ്ങൾ ഒരുക്കി.