ആർട്ട് നിറയും അകത്തളങ്ങൾ

മനസിൽ നിറങ്ങളുള്ളവർക്ക് പ്രതിസന്ധികളില്ല. അകത്തളങ്ങളിലേക്ക് മനം നിറയും പെയിന്റിങ് ആർട്ടുകൾ ഒരുക്കുന്ന സർഫാസിന്റെയും ഷഹനാസിന്റെയും കഥ

- 

കണ്ണൂരിലാണ് വർണ്ണങ്ങൾ തൂകുന്ന ആ പ്ലാസ്റ്ററിങ് പൂർത്തിയാക്കിയ ദിവസം. വീട്ടുടമയ്ക്കൊരു മോഹം. വീട് നൊസ്റ്റാൽജിക്ക് ആയിരിക്കണം. ഇന്റീരിയലിലെ ഓരോ ഭിത്തിയിലും ഓഫ് വൈറ്റ് അടിച്ചിട്ടു. വാൾ ആർട്ട്; അതായിരുന്നു മനസിൽ. ലിവിങും ഹാളും ബെഡ് റൂമും വാൾ ആർട്ടിന്റെ വർണ ചിത്രങ്ങളിൽ പൂത്തുലഞ്ഞു. വീട്ടിലെത്തിയവരുടെ മനസിൽ ഓരോ ചിത്രങ്ങളും കൊളുത്തി കിടന്നു. വാൾ ആർട്ടിനു പിന്നിലെ ആളെ തിരയുകയായിരുന്നു പലരും. ഒടുവിൽ കണ്ടെത്തി, മലപ്പുറം വള്ളികുന്ന് സ്വദേശികളായ സർഫാസും ഷഹനാസും. വീടിന്റെ അകത്തളങ്ങൾ മഷിമുനയാൽ മിഴിവാർന്നതാക്കുന്ന ദമ്പതികൾ. പോകാം, സർഫാസിന്റെയും ഷഹനാസിന്റെയും മൊഞ്ചുള്ള ആർട്ട് വർക്ക് വിശേഷങ്ങളിലേക്ക്.

ആർക്കിടെക്റ്റിൽ നിന്നും ആർട്ട് വർക്കിലേക്ക്