കിടിലൻ ലുക്കിൽ കൈലാഖ്

സ്കോഡയുടെ ആദ്യ സബ്ഫോർ മീറ്റർ എസ്യുവി. വില ₹7.89 ലക്ഷം

- നോബിൾ എം. മാത്യു

മലയാളി പേരിട്ട സ്കോഡയുടെ ആദ്യ നാലു മീറ്ററിൽ താഴെ നീളമുള്ള കോംപാക്ട് എസ് യു വി കൈലാഖ് വിപണിയിൽ എത്തിയിരിക്കുകയാണ്. മാരുതി ബ്രെസ്സയും ഹ്യുണ്ടേയ് വെന്യുവും ടാറ്റ നെക്സോണുമെല്ലാം അടക്കിവാഴുന്ന വിഭാഗത്തിൽ വലിയ പ്രതീക്ഷകളോടെയാണ് സ്കോഡ കൈലാഖിനെ കൊണ്ടുവന്നിരിക്കുന്നത്. ഡിസംബർ രണ്ടു മുതൽ ബുക്കിങ് ആരംഭിക്കും. 2025 ജനുവരി 27 മുതൽ വിതരണം തുടങ്ങാനാണ് സ്കോഡയുടെ പദ്ധതി. 7.89 ലക്ഷമാണ് അടിസ്ഥാന മോഡലിന്റെ വില.

വലുപ്പം കൂടുതലുണ്ടോ?

മാരുതി ബ്രെസ്സ, ടാറ്റ നെക്സോൺ, മഹീന്ദ്ര എക്സ് യുവി, ഹ്യുണ്ടേയ് വെന്യു, കിയ സോണറ്റ്, നിസ്സാൻ മാഗ്നറ്റ്, റെനോ കൈഗർ എന്നിവരാണ് എതിരാളികൾ. സെഗ്മെന്റിലെ ബെസ്റ്റ് സെല്ലറായ ബസ്സ യുമായി തട്ടിച്ചാൽ നീളം സമം (3995 എംഎം). വീതി 7 എംഎം കുറവാണ് (1783 എംഎം). ഉയരവും കുറവ്,1619 എംഎം. ബ്രെസ്സക്ക് 1685 എംഎം ഉയരമുണ്ട്. പക്ഷേ, കൈലാഖ് സ്കോർ ചെയ്യുന്നത് വീൽ ബേസിലാണ്. സെഗ്മെന്റിലെ എല്ലാവരെക്കാളും ഉയർന്ന വീൽബേസ് കൈലാഖിനാണ്, 2556 എംഎം. ബ്രെസ്സ 2500 എംഎം, നെക്സോൺ 2498 എ.എം, വെന്യു 2500 എംഎം.

ഉള്ളിൽ ധാരാളം ഇടമു ണ്ടെന്നതാണ് സവിശേഷത. പിൻസീറ്റിൽ മൂന്നു പേർക്ക് സുഖമായി ഇരിക്കാം. ചെറുതും വലുതുമായ സ്റ്റോറേജ് സ്പേസും കൈലാഖിനുള്ളി ലുണ്ട്. 446 ലീറ്ററാണ് ബൂട്ട് സ്പേസ്. പിൻസീറ്റ് മടക്കിയാൽ 1265 ലീറ്റർ ഇടം കിട്ടും.

സ്കോഡയുടെ മിഡ് സൈസ് എസ് യു വിയായ കുഷാഖിനെക്കാളും 85 എംഎം മാത്രമാണ് വീൽബേസിൽ കുറവ്. 230 എംഎം ആണ് ആകെ നീളത്തിലുള്ള വ്യത്യാസം. 189 എംഎം ഗ്രൗണ്ട് ക്ലിയറൻസുണ്ട് കൈലാഖിന്. 17 ഇഞ്ച് വീലുകളാണ് ടോപ് മോഡലുകൾക്കു നൽകിയിരിക്കുന്നത്.

എസ് യു വിയുടെ എടുപ്പ്