ശ്രദ്ധിക്കുക.നിങ്ങളും തട്ടിപ്പിനിരയാകാം!!

ഇ-ചെല്ലാന്റെ പേരിൽ വ്യാജ സന്ദേശങ്ങൾ അയച്ച് പണം തട്ടിപ്പ് വ്യാപകം

- റോഷ്‌നി

നിങ്ങൾ വാഹനം അമിതവേഗത്തിൽ ഓടിച്ചത് എഐ ക്യാമറയിൽ പതിഞ്ഞിട്ടുണ്ട്. പിഴ അടയ്ക്കുന്നതിനായി താഴെ പറയുന്ന ലിങ്ക് ക്ലിക്ക് ചെയ്യുക കോട്ടയം സ്വദേശി ജിനോയുടെ ഫോണിൽ വന്ന എസ്എംഎസ് ആണിത്. ഓവർ സ്പീഡ് പണി തന്നല്ലോ എന്നുകരുതി ജിനോ അതിലുള്ള ലിങ്കിൽ ക്ലിക്ക് ചെയ്തു. പിഴയും അടച്ചു. പക്ഷേ, ബാങ്കിൽനിന്നു നല്ലൊരു തുക നഷ്ടപ്പെട്ടപ്പോഴാണ് സൈബർ തട്ടിപ്പിനിരയായ കാര്യം മനസ്സിലായത്. പെട്ടെന്നുതന്നെ പൊലീസിൽ പരാതിപ്പെട്ടു. അന്വേഷണത്തിൽ അത്തരമൊരു എസ്എംഎസ് ഔദ്യോഗികമായി അയച്ചിട്ടില്ല എന്നറിയാൻ കഴിഞ്ഞു. മറ്റേതോ അക്കൗണ്ടിലേക്കാണ് പണം ക്രഡിറ്റ് ആയത്. സംഗതി ഒന്നാന്തരം തട്ടിപ്പ്.