ദി കംപ്ലീറ്റ് ഫാമിലി സ്കൂട്ടർ

പ്രായോഗികതയ്ക്കു മുൻതൂക്കം നൽകി ഡിസൈൻ ചെയ്തിരിക്കുന്ന ഏഥറിന്റെ ഫാമിലി സ്കൂട്ടർ റിസ്റ്റ

- റോഷ്‌നി

ഏപ്രിലിൽ നടന്ന ഏഥർ കമ്യൂണിറ്റി ഡേയിൽ അവതരിപ്പിച്ച റിയുടെ മീഡിയ ഡ്രൈവ് ആണ് ഇത്തവണ. ബെംഗളൂരുവിലെ നന്ദി ഹിൽസിലേക്ക്. റിയുടെ ആദ്യ ബാച്ച് സ്കൂട്ടറുകളാണ് മീഡിയ ഡ്രൈവിനായി നൽകിയത്.

കമ്യൂട്ടർ സ്കൂട്ടറുകൾ ഒരുപാടുണ്ടെങ്കിലും കുടുംബവുമൊന്നിച്ചു സഞ്ചരിക്കുന്നവർക്ക് യോജിച്ച മോഡലുകൾ കുറവാണ്. ഫാമിലി സ്കൂട്ടർ വിഭാഗത്തിൽ ഇത്രയും പഠിച്ചു പരീക്ഷിച്ച് ഇറക്കിയ മറ്റൊരു മോഡൽ ഇല്ല. റിസ്റ്റയുടെ പ്രധാന ചില സവിശേഷതകൾ നേരത്തേ പറഞ്ഞിരുന്നു. അവ വിശദമായി നോക്കാം.

ഡിസൈൻ

ഭംഗിയെക്കാൾ പ്രായോഗികതക്കു പ്രാധാന്യം നൽകിയാണ് റിസ്റ്റയുടെ ഡിസൈൻ. "റിഷ്ത' എന്നാൽ ഹിന്ദിയിൽ ബന്ധം എന്നാണർഥം. റിസ്റ്റയും അതുപോലെ കുടുംബവുമായി ദൃഢമായ ബന്ധം കാത്തു സൂക്ഷിക്കാൻ ആഗ്രഹിക്കുന്നു.

ഹാൻഡിലിൽനിന്നിറങ്ങി ഒത്ത നടുവിലായാണ് എൽഇഡി ഹെഡ്ലാംപ. മുകൾഭാഗം ഫ്രീ ആയതിനാൽ "സച്ചു, കിച്ചു' എന്നൊക്കെ സ്റ്റിക്കർ ഒട്ടിക്കാൻ സ്ഥലമായി.