പുതുതലമുറ യൂസ്ഡ് കാറുകൾ

വാങ്ങുമ്പോൾ ശ്രദ്ധിക്കേണ്ട കാര്യങ്ങൾ

- കെ.ശങ്കരൻകുട്ടി

ഏഴു വർഷം വരെ പഴക്കമുള്ള കാറുകൾക്കാണ് യൂസ്ഡ് കാർ വിപണിയിൽ ഏറെ ആവശ്യക്കാരുള്ളത്. ഈ കാലയളവിലുള്ള കാറുകളിൽ പലതിലും എൻജിൻ, ഗിയർബോക്സ് എന്നിവ ആധുനിക സാങ്കേതികവിദ്യ ഉപയോഗിക്കുന്നവയാണ്. കൂടാതെ, BS6 നിബന്ധന പാലിക്കുന്നവയിൽ മലിനീകരണ നിയന്ത്രണത്തിനായി ചില സവിശേഷ സംവിധാനങ്ങൾ കൂടിയുണ്ട്. ഒരു യൂസ്ഡ് കാർ വാങ്ങാനായി പരിഗണിക്കുമ്പോൾ ഈ വക കാര്യങ്ങൾ കൂടി പരിശോധിക്കേണ്ടതുണ്ട്.

ഡീസൽ എൻജിൻ

പല നിർമാതാക്കളും ഡീസൽ എൻജിനുള്ള കാറുകൾ ഇപ്പോൾ നിർമിക്കുന്നില്ല. വിപണിയിൽ ലഭ്യമായവയിൽ പ്രധാനം ടാറ്റ മഹീന്ദ്രാ, ഹ്യുണ്ടായ്, കിയ എന്നിവയുടെ ഉൽപന്നങ്ങളാണ്. ഇവയെല്ലാം കോമൺ റെയിൽ ടർബോ എൻജിനുകളാണുപയോഗിക്കുന്നത്. അതിനാൽ, ടർബോ ചാർജർ, ഇന്റർകൂളർ എന്നിവയുടെ അവസ്ഥ പ്രത്യേകം ശ്രദ്ധിക്കണം. മലിനീകരണ നിയന്ത്രണത്തിനായി ഉപയോഗിക്കുന്നവയിൽ താഴെപ്പറയുന്ന ഘടകങ്ങളുടെ പ്രവർത്തനം തൃപ്തികരമാണെന്ന് ഉറപ്പുവരുത്തണം.